Presidenti i Real Madridit, Florentino Perez, duket se është pak më pak se dy muaj larg arritjes së qëllimit të tij për më shumë se një dekadë. Në moshën 13-vjeçare, Kylian Mbappe doli në provë te Valdebebas dhe tani në moshën 25-vjeçare duket se do të nënshkruajë për Real Madridin këtë verë. Pas refuzimit të tij të tretë të Realit dy vjet më parë, Perez doli drejtpërdrejt në televizion për të deklaruar se lojtari që mori atë vendim "nuk ishte Mbappe im". Megjithatë marrëdhëniet duket se janë rregulluar, dhe tani Mbappe është vetëm disa javë larg nënshkrimit me Real Madridin, raporton KosovaPress. Nuk do të ketë një finale të rëndë narrative mes të dyve në Ligën e Kampionëve pasi Paris Saint-Germain u eliminua mbrëmë, dhe “Defensa Central” pretendon se Perez e thirri Mbappen menjëherë pas humbjes nga Dortmundit. Supozohet se Perez i tha Mbappes: “Shpresoja se mund të jemi në Wembley, do të ishte kënaqësi të luaja kundër jush”, ndërsa shprehu ngushëllimet e tij për humbjen e PSG-së. Që kur dyshja i rregulloi gjërat, megjithëse pa konfirmim as nga Perez, as nga Mbappe, të dy supozohet se kanë qenë në kontakt të rregullt.