Të martën shpallet konkursi për kryeshef dhe për drejtorë të drejtorive

 
Gjilan E hënë, 25 Qershor 2007 16:30

Izmi Zeka, shef i grupit të këshilltarëve të PDK-së, ka kërkuar të hënën nga kreu komunal i Gjilanit të shpallë konkursin për kryeshef, drejtorë të drejtorive dhe ta thërrasë...

Izmi Zeka, shef i grupit të këshilltarëve të PDK-së, ka kërkuar të hënën nga kreu komunal i Gjilanit të shpallë konkursin për kryeshef, drejtorë të drejtorive dhe ta thërrasë seancën për diskutimin rreth raporteve të punës, duke kërkuar respektimin e vendimeve komunale dhe rregulloret në fuqi.

“Të rikujtojmë se në seancën e fundit të Kuvendit Komunal është marrë vendim që të shpallet konkursi për kryeshef dhe drejtorë të drejtorive e që nuk është bërë deri më tani. Po ashtu në këtë seancë është marrë vendim që të thirret një seancë  e punës brenda një jave  dhe të diskutohet për raportet e punës së drejtorëve të drejtorive e që poashtu nuk është bërë”, është shprehur Zeka në një shkresë që ka drejtuar në adresë të kreut komunal Xhemajl Hyseni. 

Zeka ka kërkuar nga Hyseni t’i përmbahet vendimeve komunale duke i zbatuar ato sepse sipas tij ato janë obligative për kryetarin si udhëheqës i kuvendit komunal 

Në anën tjetër zyrtarë komunal të Gjilanit, kanë thënë se konkursi për kryeshef ekzekutiv si dhe drejtorë komunalë do të publikohet të martën sikurse që është caktuara edhe data e mbajtjes së seancës.

“Në të vërtetë, konkursi për kreun e ekzekutivit si dhe shtatë drejtorë të drejtorive komunale është dërguar përpara se grupi i këshilltarëve të PDK-së ta ketë bërë një kërkesë të tillë te kryetari i Kuvendit”, ka sqaruar Bardhyl Syla, menaxher i Zyrës së personelit

Syla thotë se konkurset për kryeshef si dhe shtatë drejtorë komunalë janë përgatitur dhe dërguar për publikim brenda një afati të arsyeshëm, përkatësisht dhjetë ditë nga koha kur është vendosur në Kuvendin Komunal.

Ndërsa sa i përket seancës së kërkuar e që ishte vendim i dal nga seanca e kaluar zyrtarë komunal thanë se Kuvendi Komunal do të mbajë tri seanca brenda dy javëve të ardhshme

Zyrtarë komunal bënë me dije se në një takim të shefave të grupeve të këshilltarëve komunalë me kryetarin e Kuvendit Komunal, Xhemajl Hyseni, është vendosur që brenda dy javëve të ardhshme, Kuvendi Komunal të mbajë tri seanca. Më 29 qershor, këshilltarët komunalë do të mblidhen në një seancë solemne për ditën e çlirimit të Gjilanit. Një seancë e jashtëzakonshme e Kuvendit do të mbahet më 2 korrik, përderisa seanca e radhës është caktuar për 9 korrik.  /M. Halili/

 
 
 
comments powered by Disqus
 
 
 
 
 

Ju rekomandojmë