Serbia i druan kthimit të vizave

prev next
 
Beograd E hënë, 15 Tetor 2012 21:35

Kryeministri i Serbisë Ivica Daçiq deklaroi sot në Beograd se vendosja e serishme e vizave ka për të lënë pasoja të rënda për Serbinë, por edhe për Bashkimin Evropian. Ai ka propozuar që Serbia të paguajë harxhimet për 10 mijë azilantët që janë në Evropë.

“Fjala është për së paku 10 mijë azilantë në tërë Evropën. Ne do të paguajmë për harxhimet e tyre, meqë ky do të ishte dëm më i vogël për Serbinë sesa heqja e vizave”, tha Daciq për gazetarët në pauzë të tubimit lidhur me tregti me njerëz në Evropën Juglindore. Ai theksoi se liberalizimi i vizave është çështja e vetme konkrete që qytetarët e Serbisë kanë parë viteve të fundit në raport me BE-në. Daçiqi tha se mes azilantëve që shkojë në Evropë “më së shumti ka romë dhe shqiptarë dhe nevojitet të ndërrojnë mjedisin ku jetojnë ata, që është proces afatgjatë”.

Ndryshe shteti serb po jep çdo gjë për të tejkaluar problemet e azilantëve, siç i quajnë, “të rrejshëm”. “Në këtë drejtim janë realizuar rezultatet e konsiderueshme”, tha sot shefi i Drejtorisë së Policisë Kufitare të Serbisë, Nenad Banoviq. ”Në raportin më të ri të Komisionit Evropian qëndron se Serbia ka realizuar përparim mesatar në fushën e azilantëve të rrejshëm për dallim nga vitit 2011,kur kemi realizuar përparim të rëndësishëm”, tha Banoviq për Beta. Sipas fjalëve të tij, në të gjitha vendete e Bashkimit Evropian, përveç Gjermanisë dhe Zvicrës, po shënohet rënie disavjeçare e numrit të azilantëve të rrejshëm dhe theksoi se ky është rezultat e aksioneve të koordinuara me qeveritë e atyre vendeve.

Ndërsa kryetari i Këshillit Nacional të Shqiptarëve në Serbi, Galip Beqiri, deklaroi sot se shqiptarët nga Presheva dhe Bujanoci shkojnë për arsye ekonomike, dhe mes tyre ka edhe azilantë të rrejshëm. Beqiri për agjencinë Beta tha se ai proces po zgjatë që nga heqja e vizave për BE ndaj qytetarë e të Serbisë, porse shqiptarët nuk po shkojnë për arsye politike. Sipas fjalëve të tij, edhe liderët politikë nga Bujanovci dhe Presheva dhe ai si kryetar i Këshillit Nacional, kanë ftuar shqiptarët të mos braktisin Bujanovcin, Preshevën dhe Medvegjën dhe të mos bëjnë kërkesa të kota për azil në vendet e Evropës Perëndimore. ”Është e kotë të ftosh njerëzit që të mos shkojnë, kur mundeni të zgjidhni problemet e tyre”, tha Beqiri.

 
 
 
comments powered by Disqus
 
 
 
 
 

Ju rekomandojmë