• Lajmi
  • KosovaPress, 03 Maj 2012 13:22

Serbët e veriut organizojnë edhe zgjedhjet lokale

prev next
 
Të ngjajshëm

Në veri të Kosovës ku serbët do të votojnë më 6 maj për kryetar dhe deputetë në parlamentin e Serbisë, do të mbahen edhe zgjedhjet lokale, bëjnë të ditur burime të Kosovapressit nga veriu.

Sipas këtyre burimeve, janë shtypur fletëvotimet dhe gjithçka është gati në komunat e Zveçanit dhe Zubin Potokut, ku do të mbahen edhe zgjedhjet lokale.

“Në Zveçan nga gjithsej 117 kandidatë për këshilltarë që ndodhen nëpër lista, do të zgjidhen 27 prej tyre, ndërsa në Zubin Potok do të konkurrojnë gjithsej rreth 90 këshilltarë për parlamentin lokal të kësaj komune”, kanë thënë burimet, duke shtuar se në veri ditën e zgjedhjeve do të hapen gjithsej 90 vendvotime në 28 lokacione të ndryshme.

Burimet më tej kanë shtuar se këtë vit do të ketë dukshëm më pak vendvotime sesa vitet e kaluara, ndërsa shumë pjesëtarë të MUP-it serb janë angazhuar për gjendjen e sigurisë ditën e zgjedhjeve. /Kosovapress/