KEK-u, pensionon dhunshëm

prev next
 
Prishtinë E mërkurë, 11 Prill 2012 08:34

Udhëheqësit e KEK-ut po synojnë ta ulin numrin e punëtorëve me pensionim të parakohshëm. Express ka siguruar një letër, ku drejtori Arben Gjukaj i ka paralajmëruar punëtorët që janë mbi moshën 55 vjeç se nëse nuk shkojnë vullnetarisht në pension, duhet t’iu nënshtrohen testeve profesionale dhe fizike. Ata që nuk i kalojnë testet, llogariten si tepricë që nuk i duhen KEK-ut. Sindikata e punëtorëve po kundërshton, pasi sipas tyre, me këtë po u bëhet presion për ta lëshuar punën.

Rreth një mijë punëtorë të Korporatës Energjetike të Kosovës rrezikohen të mbesin pa punë. Menaxhmenti i kësaj korporate po planifikon që punëtorët mbi moshën 55-vjeçare t’i dërgojë në pension të parakohshëm, duke synuar kështu zvogëlimin e numrit të të punësuarve në këtë korporatë. Ky njoftim është përcjellë te ta nga vetë drejtori i korporatës, Arben Gjukaj.

Gazeta Express ka siguruar letrën, të cilën drejtori Gjukaj ua ka shkruar menaxherëve të kësaj ndërmarrjeje, ku ka bërë kërkesën për pensionimin e parakohshëm të punëtorëve mbi moshën 55 vjeçare.

“Duke u nisur nga kërkesat tuaja se keni staf të moshuar dhe të cilët nuk po kanë mundësi të performojnë konform kërkesave tuaja dhe përgjegjësive të tyre, ju udhëzoj ju dhe menaxherët tuaj që të inkurajoni stafin tuaj mbi moshën 55-vjeçare që të aplikojnë në skemën opsionale për pensionim të parakohshëm”, thuhet në letrën e drejtorit Gjukaj drejtuar menaxherëve të korporatës. Pos kësaj, ai ka kërkuar që ky staf i punëtorëve t’iu nënshtrohet edhe disa testeve dhe ushtrimeve fizike. Këto ushtrime duhet të kryhen pas 14 prillit, kur edhe do të fillojë edhe intervistimi i këtyre të punësuarve.

 
 
 
comments powered by Disqus
 
 
 
 
 

Ju rekomandojmë