• Lajmi
  • KosovaPress, 27 Mars 2012 10:38

Fyle dorëzon dokumentin e fillimit të studimit të fizibilitetit

prev next
 
Të ngjajshëm

Komisioneri për zgjerim të BE-së, Stefan Fyle, në takimin e Këshillit kombëtar për integrim evropiane, u ka dorëzuar dokumentin e fillimit të studimit të fizibilitetit, liderëve kryesor të vendit.

Presidentja e vendit, Atifete Jahjaga, në hapje të takimit, ka thënë se Këshilli Kombëtar për Integrime Evropiane ka për qëllim ndërtimin e koncensusit institucional dhe shoqëror.

“Ne si institucione e kemi vullnetin që secilin kushte ta plotësojmë në funksion të sigurimit të kushteve sa më të mira për qytetarët e vendit”, ka thënë presidentja duke shtuar se takimi i sotëm është shprehje dhe dëshmi se të gjitha institucionet, partitë politike, institucionet akademike dhe të gjithë qytetare e kanë vullnetin për të vazhduar në këtë rrugë.

“Si president e vendit do të ndërmarrë çdo veprim që shton efikasitetin e institucioneve në përshpejtimin e dinamikës për integrim në BE”, ka pohuar Jahjaga e cila ka shtuar se Kosova dhe BE, në marrëdhëniet ndërmjet tyre, kanë bërë një hap tejet të rëndësishëm në hapjen e procesit për liberalizimin e vizave dhe fillimit të studimit të fizibilitetit.

Ndërsa, Stefan Fyle, komisioneri për zgjerim i BE, ka thënë se ndihej i lumtur edhe zyrtarisht do të fillojë studimi i fizibilitetit. “Studimi i fizibiliteti do të përcakton politika integruese të Kosovës”, ka pohuar Fyle duke shtuar ai do të përcjell të arritur e Kosovës në arritjen e standardeve dhe do të sygjeron se çfarë duhet të bëjë Kosova.

Ai më pas, dokumentin e fillimit edhe zyrtarë të procesit të studimit të fizibilitetit për Kosovën, u ka dorëzuar përfaqësuesve të institucioneve kryesore të vendit, presidentes dhe kryeministrit te vendit.