• Lajmi
  • KosovaPress, 12 Mars 2013 13:36

“Britma e gruas” pro fuqizimit të zërit femëror

prev next
 
Të ngjajshëm

Poet dhe poete nga Kosova janë paraqitur me poezitë e tyre në aktivitetin e grave “Britma e gruas” i cili është mbajtur në kuadër të Festivalit Ndërkombëtar të Poezisë të Lëvizjes Ndërkombëtare të Grave Poete. Në këtë aktivitet u tha se festivali ka për qëllim avancimin e letërsisë femërore, fuqizimin e zërit femëror në letërsi dhe luftimin e dhunës ndaj gruas.

Me këtë rast, shkrimtarja Lindita Tahiri është paraqitur me një kumtesë për barazinë gjinore dhe të drejtat e grave. Ajo ka thënë se zërin e gruas në letërsi e sheh si një zë që e ndryshon perspektivën e atyre që lexojnë.

“Pabarazia gjinore ka pushtet komuntikiv I cili mbështetet në përvetësimin e automatizuar të normave të caktuara gjinore dhe manifestohet në rutinën tonë të përditshme, prandaj pranimin e zërit të femrës në letërsi më shumë e shoh si vetëdijesim se sa si dritë. E shoh si një zë që e ndryshon perspektivën e atyre që lexojnë ndaj asaj që e lexojnë. E shoh si një lloj të caktuar të diskursit politik që i kundërvihet mendësisë patriarkale e dogmatike. Perspektiven femërore në letërsi e shoh si një nxitje për lexuesen aktiv, për lexuesin që u reziston formulave të gatshme që nuk është konsumator pasiv i ideologjive manipuluese. Shkrimtaret dhe lexueset përpiqen t’i artikulojnë vet konstruktet shoqërore gjinore dhe vendosin vet se çdo të thotë të jesh femër duke u përpjekur për një botë ku të dyja gjinitë janë të barabarta, si ekonomikisht ashtu edhe politikisht”, ka thënë Tahiri.

Ndërsa poetja Naime Beqiraj me leximin e kumtesës së saj ka thënë se Kosovës i mungojnë shkrimtarët e mirë por i mungojnë edhe dy shkrimtaret, Feime Selimi dhe Hida Halimi, veprat e të cilave duhet ribotuar.

“Pak gjëra kanë ndryshuar qysh para 10 vitesh kur nisi të botoj poezi. Përsëri pak poete jemi por ndryshe prej të 80-tave nuk mund të rri indiferente e të mos them se kemi aq pak burra poet që shkruajnë bukur, përsëri këta burra që përpiqen të krijojnë autoritete të paqena letrare, përsëri qikat dhe gratë që shkruajnë i vendosin sa për strukturë në juri letrare, pak më keq se në parlament, për 30 vjet Kosovë si mungojnë shkrimtarët e mirë por i mungojnë edhe dy shkrimtare Feime Selimi dhe HIda Halimi”, ka thënë Beqiri.

Në këtë aktivitet u paraqitën me poezi, poetët Edi Shukriu, Xheraldina Bucinca Vula, Blerina Rogova Gaxha, Shukrije Gashi, etj.

Ky festival organizohet për herë të dytë në Kosovë, nën drejtimin e PEN Qendrës së Kosovës, kurse edicioni i këtij viti i kushtohet aktivistes pakistaneze, Malala Jusufzai. /Kosovapress/