• Lajmi
  • KosovaPress, 05 Dhjetor 2012 10:21

Bernd Borchardt emërohet shef i ri i EULEX-it

prev next
 
Të ngjajshëm

Komiteti i Bashkimit Evropian për Siguri dhe Politika të Jashtme ka emëruar Bernd Borchardt shef të Misionit të Bashkimit Evropian për sundimin e ligjit në Kosovë, EULEX. Gjermani Borchardt do ta marrë detyrën e tij më 1 shkurt të vitit 2013.

Ai do të zëvendësoj Xavier Bout de Marnhac, i cili ka qenë në këtë pozitë që nga 15 tetori i vitit 2012.

Diplomati Bernd Borchardt ka lindur në vitin 1955 në Gjermani. Ai gjatë vitit 2002 ka qenë shef i Zyrës Gjermane në Kosovë dhe zëvendës shef i Misionit Verifikues të Kosovës (MVK). Kurse, gjatë vitit 2003- 2006 ka qenë drejtor për çështjet e Azisë Jugore në Ministria e Jashtme në Gjermani, pastaj gjatë vitit 2006 2007, zëvendës drejtor i përgjithshëm i Çështjeve të Azisë dhe Paqësorit në Ministrinë e Jashtme në Gjermani, ndërsa gjatë vitit 2007- 2010, ka qenë Ambasador i Gjermanisë në Shqipëri.

Ndërsa, nga viti 2010 deri më tani ka qenë koordinator i personelit gjerman në organizatat ndërkombëtare

Ndryshe, stafi i punonjëseve të EULEX-it është reduktuar për rreth 25 %, prej 1250 në 1000 punonjës, megjithatë vazhdon të përbëhet nga policë, gjykatës , prokuror dhe zyrtarë doganorë /Kosovapress/