• Lajmi
  • KosovaPress, 23 Prill 2012 20:38

Aktivistët: 9 të vrarë në Siri

prev next
 
Të ngjajshëm

Aktivistët sirianë thonë se forcat qeveritare vranë sot të paktën nëntë veta në një qytet i cili një ditë më parë u vizitua nga vëzhguesit ndërkombëtarë.

Ata thonë se ushtria siriane hapi zjarr ndaj civilëve në lagjen Arbain të qytetit Hama. Sipas tyre, dhjetëra njerëz u plagosën.

Incidenti ndodh ndërkohë që në Siri ndodhen vëzhgues të OKB-së në përpjekje për të konsoliduar armëpushimin e brishtë i cili nuk ka arritur t’i japë fund konfliktit që nisi 13 muaj më parë.

Niraxh Sing, zëdhënës i ekipit tetë-anëtarësh të OKB-së në Siri, tha se grupit do t’i shtohen dy vëzhgues të tjerë. Vëzhguesit vizituan sot një periferi të Damaskut.

Ndërkohë, Bashkimi Evropian ka vendosur të ndalojë shitjen e mallrave luksoze në Siri. Burimet diplomatike thanë se këto kufizime do të miratohen sot në një mbledhje të ministrave të jashtëm të BE-së në Luksemburg.