Follow Us

*KYQU SQ EN
E Hënë, 24.07.2017 12:35

​Rooney për Unitedin: Ferguson kishte shumë ndikim

| 17/07/2017 15:56

Largimi i Sir Alex Ferguson ndikoi disi negativisht në lëvizjet e merkatos së “Djajve të Kuq”.

Ky është opinioni i dhënë nga Wayne Rooney që tashmë është kthyer te ish-skuadra e tij, Everton.

Sulmuesi anglez tregoi për eksperiencën e tij në dhomën e zhveshjes së Manchester United duke shpjeguar edhe ndikimin që kishte Ferguson te lojtarët.

“Kur je pjesë e Manchester United duhet të ruash një nivel e standard”, tha Rooney.

“Kjo ndodhte kur në stol ishte Ferguson dhe që iu transmetua edhe personaliteteve si Ryan Giggs, Gary Neville apo Paul Scholes. Në vitet e fundit ishte detyra ime dhe e Carrick për të mbajtur këtë standard, një detyrë kjo që rezultoi shumë më e vështire sidomos me ata që u bashkuan me skuadrën”.

Wayne Rooney, shënuesi më i mirë në historinë e Manchester United, nuk harroi të japë këshillën e tij për atë që e zëvendësoi atë; Romelu Lukakun.

“Të luash te Manchester United vë në provë personalitetin, jo vetëm aftësitë”, vijoi Rooney.

“Duhet të jesh i fortë në aspektin psikologjik për të pranuar sfidat pasi Manchester United është një klub që kërkon triumfe. Romelu është shumë i fortë për të përballuar këtë sfidë. Për më tepër ai ka përkrah njerëz që do ta drejtojnë në mënyrë që ai të japë më të mirën”.

Shpërndaje


Artikuj të sponzorizuar

Më shumë nga KosovaPress