Follow Us

*KYQU SQ EN
*staurday, 17.08.2019 04:27

​Kosova U20 pjesëmarrëse në një turne në Maqedoninë Veriore

Prishtinë | 12/06/2019 09:58

Basketbollistët e Kosovës U-20 (meshkujt) nga 21 deri më 23 qershor do të marrin pjesë në një turne në Maqedoninë Veriore.

Në këtë turne marrin pjesë Maqedonia Veriore, Kosova, Rusia dhe Mali i Zi. 

“Dardanët” e rinj më 21 qershor do të luajnë ndaj Rusisë, një ditë më pas ndaj Maqedonisë Veriore dhe më 23 qershor kundër Malit të Zi. Gjatë qëndrimit në Shkup, Kosova do t’i zhvillojë edhe katër stërvitje.

Djelmoshat e Ibrahim Karabegut më 7 qershor kishin zhvilluar një miqësore me Maqedoninë Veriore, duke pësuar në Mavrovë me rezultat 68:67, edhe pse zhvilluan një ndeshje mjaft të mirë.

Kosova nga 12 deri më 21 korrik do të jetë pjesëmarrëse e Kampionatit Evropian, Divisioni B, që do të mbahet në Portugali.

Kosova është në Grupin C së bashku me Suedinë, Holandën, Gjeorgjinë, Estoninë dhe Armeninë.

Kosova U-20 ka filluar më parë stërvitjet dhe po përgatitet maksimalisht për të pasur një paraqitje sa më të mirë në Portugali.

Loading...
 

Shpërndaje


Artikuj të sponzorizuar

Më shumë nga KosovaPress