Follow Us

*KYQU SQ EN
E Enjte, 17.08.2017 09:13

​Specialistët: Shqipëria rrezikohet nga ethet e Nilit

Tiranë | 12/08/2017 16:46

Shqipëria është e rrezikuar nga sëmundja e etheve të Nilit. Ndonëse virusi qarkullon në vendet fqinje si Greqi, Itali, Instituti i Shëndetit Publik i Shqipërisë konfirmon se ende nuk është regjistruar asnjë rast në vend.

“Shqipëria është rrezikuar pasi në vendin tonë gjenden vektorët që shpërndajnë. Por ne jemi duke monitoruar sidomos në rastet e rënda të saj si meningit, apo encenfalit. Janë regjistruar katër raste në Greqi, 1 në Itali dhe 1 në Izrael”, thotë Silva Bino nga ISHP.

Sëmundja shkaktohet nga virusi, i cili shpërndahet nëpërmjet pickimit të mushkonjave, të cilat qarkullojnë me shumicë në vendin tonë.  Mjafton që ato të bien në kontakt me zogj të infektuar dhe  përhapin virusin në njerëz. 

Ethet e Nilit perëndimor është forma më e shpejtë e sëmundjes, e cila karakterizohet me temperaturë, me plogështi, me dobësi, me dhimbje koke, dhe dhimbje trupi. Mund të paraqiten edhe anoreksi ose të vjella, me puçrra në lëkurë, dhe në rastet më të rënda me encefalit, meningit apo paralizë. 

Te njeriu paraqitet në dy forma klinike: ethet e Nilit Perëndimor që është relativisht e lehtë dhe i ngjan gripit dhe ajo neuroinvazive, e cila i përfshin të gjitha rastet me shenja neurologjike./Tch/

 

Shpërndaje


Artikuj të sponzorizuar

Më shumë nga KosovaPress