Follow Us

*KYQU SQ EN
E Diel, 18.08.2019 03:52

​OBSH: Numri i rasteve me demencë do të trefishohet deri në 2050

Gjenevë | 14/05/2019 17:39

Të jetosh shëndetshëm redukton rreziqet për demencë, rekomandon OBSH-ja, që vlerëson që numri i personave që vuajnë nga kjo sindromë, që shkaktohet kryesisht nga sëmundja e Alzheimerit, pritet të trefishohet deri në vitin 2050.

Të bësh sport, të mbash një dietë mesdhetare, të mos pish duhan, të reduktosh konsumin e alkoolit, të ruash diabetin dhe kolesterolin… me pak fjalë, të jetosh shëndetshëm redukton rreziqet për demencë”, sipas OBSH-së, që ende nuk është në gjendje të përllogarisë se sa ulen rreziqet.

“Provat shkencore të mbledhura konfirmojnë atë që dyshohej prej disa kohësh, pra ajo që i bën mirë zemrës, është gjithashtu e mirë për trurin tonë”, tha drejtori i Organizatës Botërore të Shëndetësisë, Tedros Adhanom Ghebreyesus në një komunikatë.

OBSH-ja vlerëson se në të gjithë popullsinë, mes 5% dhe 8% e personave të moshuar nga 60 vjeç e sipër do të preken nga demenca./Atsh/

Loading...

Shpërndaje


Artikuj të sponzorizuar

Më shumë nga KosovaPress