Follow Us

*KYQU SQ EN
E Hënë, 21.10.2019 06:12

​Ndotja e deteve, plastika nuk kursen as Mesdheun

Napoli | 29/09/2019 23:39

Nivelet e mikroplastikës po rriten shpejt edhe në Detin Mesdhe, sipas një studimi të biologëve marinë, që kanë kaluar gjashtë vite duke vëzhguar shkallën e problemit.

Rezultatet alarmante nga kampionët e planktonit të marra në këtë det, janë bërë publike në një konferencë në ishullin e Ponzës, afër Napolit, në Itali.

Të dhënat vijnë nga projekti Mesdheu, një laborator lundrues që është endur në ujërat e këtij deti për të krijuar një panoramë të shtrirjes së ndotjes.

Projekti ka zbuluar sasi të mëdha mbetjesh në shtratin e detit, kryesisht në zonat ku ka rryma.

Shumë mbetje plastike që përfundojnë në det, lëshojnë mikroplastikë që gëlltitet nga peshqit, të cilët hyjnë në anën tjetër në zinxhirin ushqimor njerëzor.

“Prodhimi i plastikës në botë rritet me nëntë për qind çdo vit”, thotë profesori Adriano Madonna, një biolog i njohur detar në Universitetin e Napolit. “Kur të jetë e mundur le të kthehemi tek xhami, që mund të riciklohet dhe të heqim dorë nga plastika”, shton ai.

Ekspertët po ashtu dhanë edhe prova të reja mbi shtrirjen e ndryshimeve klimatike, me zbulimin e një alge tropikale në ishullin Egadi, në perëndim të Sicilisë./tch

Loading...

Shpërndaje


Artikuj të sponzorizuar

Më shumë nga KosovaPress