Follow Us

*KYQU SQ EN
E Enjte, 15.11.2018 06:54

​Kjo lloj diete ndihmon njerëzit me diabet të tipit 1

Prishtinë | 10/07/2018 18:20

Dieta me nivel shumë të ulët të karbohidrateve mund të ndihmojnë të rriturit dhe fëmijët e diagnostikuar me diabetin e tipit 1, për të kontrolluar më mirë nivelet e tyre të sheqerit në gjak, me nivele të ulëta të ndërlikimeve.

Një dietë e tillë shpesh nuk rekomandohet për njerëzit, veçanërisht fëmijët me diabet të tipit 1, nga frika e komplikimeve të tilla si hipoglikemia- rënie e rrezikshme në nivelet e sheqerit në gjak.

Studimi në revistën Pediatrics përfshinte 316 njerëz, prej tyre 131 fëmijë. Pjesëmarrësit ndoqën një dietë me proteina të ulët të karbohidrateve, me një konsum mesatar të përditshëm të karbohidrateve prej 36 gramë, ose rreth 5 për qind të totalit të kalorive të përditshme. Ata morën më pak se doza normale të insulinës.

Vlera mesatare e hemoglobinës A1C-matja primare e kontrollit të sheqerit të gjakut- ra në rangun normal, me 5.67 për qind.

Vetëm 2 për qind e pjesëmarrësve raportuan vizita në spitale brenda vitit të kaluar për hipoglikeminë, ketoacidozën diabetike ose komplikime të tjera të diabetit, gjë që ishte shumë më e ulët se ato të raportuara përgjithësisht te njerëzit me diabet të tipit 1. Gjithashtu nuk kishte asnjë shenjë të rritjes së dëmshme te fëmijët, transmeton KosovaPress.

Pjesëmarrësit gjithashtu kishin matje të favorshme për ndjeshmërinë e insulinës dhe shëndetin kardiometabolik, siç janë nivelet e ulëta të triglicerideve dhe nivelet e larta të kolesterolit HDL.

Sipas autorëve të studimit, kufizimi i lartë i karbohidrateve ndihmoi në zgjatjen e jetës së fëmijëve me diabet tip 1 përpara zbulimit të insulinës. Por, pas futjes së trajtimit të insulinës, kufizimi i karbohidrateve u largua.

Një dietë e ulët me karbohidrate përfshijnë perime, arra, ushqime deti dhe mish.

 

Shpërndaje


Artikuj të sponzorizuar

Më shumë nga KosovaPress