Follow Us

*KYQU SQ EN
E Hënë, 21.10.2019 08:09

​Vëzhguesit e BE-së të gatshëm për zgjedhjet

Prishtinë | 20/09/2019 12:11

Zyra e BE-së në Kosovë është shprehur e gatshme përmes ekipit vëzhgues të monitorojë zgjedhjet nacionale të 6 tetorit në Kosovë. Teksa kërkuan që përkundër disa mangësive gjithë procesi zgjedhor të shkojë në mënyrë të rregullt.

Përmes një konference për media, zyrtarë të ekipit vëzhgues dhanë detaje për misionin e tyre.

Shefja e misionit vëzhgues të zgjedhjeve të BE-së në Kosovë, Viola Von Cramon Taubadel tha se shpreson që me anë të pranisë së tyre do të evitohen gjitha praktikat e pahijshme që mund të dalin në zgjedhjet e pas dy jave.

Derisa deklaroi se ata janë duke i kushtuar rëndësi këtyre zgjedhjeve, më pastaj për të dhënë vlerësime të paanshme dhe objektive.

Kryevëzhguesja e BE-së dha kritika për mos realizimin e disa prej rekomandimeve që BE-ja i ka adresuar qysh në vitin 2017, që kryesisht kanë të bëjnë me ndryshime legjislative dhe me pastrimin e listës zgjedhore.

Ndërkaq, analistja e financave të fushatave zgjedhore, Elissavet Karagiannido foli për mënyrën e financimit të partive politike, teksa tha se janë duke shikuar mënyrën si financohen dhe a ka ndonjë ushtrim ndikim nga kompani të ndryshme, apo anasjelltas.

Ky ekip i BE-së për zgjedhjet e 6 tetorit përbehet prej rreth 100 vëzhguesve, derisa prej vitit 2013 është hera e pestë që i vëzhgojnë zgjedhjet në Kosovë./KosovaPress/

Loading...
 
 

Shpërndaje


Artikuj të sponzorizuar

Më shumë nga KosovaPress