Follow Us

*KYQU SHQIP ENGLISH
*staurday, 07.12.2019 01:31

​Svarqa: LDK kërkon postin e presidentit dhe kryeparlamentarit

Prishtinë | 20/11/2019 23:10

Anëtari i Kryesisë së LDK-së dhe ish-kryetari i Ferizajt, Muharrem Svarqa ka thënë se LDK i ka kusht për pjesëmarrje në qeveri postin e presidentit dhe atë të kryetarit të Parlamentit.

Svarqa në RTV Dukagjini ka thënë se LDK i ka kushte për të hyrë në qeveri që asaj t’i takojnë presidenti dhe kryetari i parlamentit, ndërsa ka thënë se për ministritë ende nuk është diskutuar.

Ai ka thënë po ashtu, se nëse Vetëvendosje nuk ia jep LDK-së këto dy pozita, atëherë në bisedime mund të hyjë edhe çështja e kryeministrit.

Kryetari i Degës së LDK-së në Ferizaj thotë se tema tjera nuk mund të jenë problem në arritjen e koalicionit me Vetëvendosjen.

Ish-kryetari i Ferizajt ka thënë se nëse koalicioni NISMA-AKR futen në Kuvend, do të ishte më mirë që të qëndronin në opozitë pasi sipas tij vota e qytetarit e ka përcaktuar këtë, pasi siç tha qytetarët kanë votuar me shumicë partitë opozitare.

I pyetur për temën më të përfolur të ditës së sotme, lokacionin e stadiumit të ri, ai ka thënë se në LDK nuk është diskutuar për çështjen e lokacionit të stadiumit, por ka thënë se nuk ka informacion nëse një gjë e tillë mund të jetë diskutuar mes grupeve punuese të LDK-së me Vetëvendosjen.

Loading...
 

Shpërndaje


Artikuj të sponzorizuar

Më shumë nga KosovaPress