Follow Us

*KYQU SHQIP ENGLISH
E Premte, 06.12.2019 02:51

​Rinumërohen 50% e vendvotimeve

Prishtinë | 19/11/2019 09:36

Në ditën e gjashtë, të hënën, në Qendrën për Numërim dhe Rezultate janë rinumëruar 132 vendvotime.

Zëdhënësi i KQZ-së, Valmir Elezi tha se janë rinumëruar 706 vendvotime nga 1407 sa janë gjithsej.

“Kjo shifër përbën 50% të vendvotimeve të rinumëruara deri më tani. Kanë mbetur për t'u rinumëruar edhe 701 vendvotime të tjera”, tha ai.

Elezi shtoi se nuk mund të thuhet me saktësi se kur përfundon procesi i rinumërimit të pjesës së mbetur të vendvotimeve, por nga dinamika e deritashme ai beson se deri të hënën mund të kryhet.

“Kjo varet krejtësisht nga dinamika e punës në QNR, por edhe se sa ka qenë pjesëmarrja e votuesve në këto vendvotime. Nëse shohim dinamikën e rinumërimit gjatë këtyre 5-6 ditëve, e cila është rreth 130 vendvotime brenda dy ndërrimeve, atëherë besojmë se deri të hënën tjetër mund të përmbyllim këtë rinumërim”, shtoi Elezi.

Loading...
 
 

Shpërndaje


Artikuj të sponzorizuar

Më shumë nga KosovaPress