Follow Us

*KYQU SQ EN
E Hënë, 19.08.2019 07:32

​OKB: BE të pranojë 500 imigrantët e bllokuar në Mesdhe

Prishtinë | 14/08/2019 08:51

Agjencia për Refugjatët e Kombeve të Bashkuara (UNHCR) u bëri thirrje qeverive evropiane që të lejojnë urgjentisht më shumë se 500 migrantët e shpëtuar në Mesdhe, që mbeten të bllokuar në det.

I dërguari i posaçëm i UNHCR, Vincent Cochetel, theksoi se “kjo është një garë kundër kohës”. Ai tha se “stuhitë po vijnë dhe kushtet vetëm do të përkeqësohen”.

Migrantët janë në bordin e dy anijeve të përcaktuara nga grupet e ndihmave humanitare, por qeveria anti-migruese e Italisë po u mohon atyre qasjen në portet e saj.

UNHCR tha se afër 600 njerëz kanë vdekur ose janë zhdukur në ujërat midis Libisë dhe Italisë këtë vit.

Komisioni Evropian tha se u bën thirrje vendeve anëtare të ndërmarrin veprime dhe të ofrojnë mbështetje, por nuk ka fuqi të ndërhyjë.

Një zëdhënëse tha se “nuk ka asgjë më shumë që mund të bëjmë”.

Loading...
 

Shpërndaje


Artikuj të sponzorizuar

Më shumë nga KosovaPress