Follow Us

*KYQU SQ EN
E Hënë, 19.08.2019 12:31

​Ndahet nga jeta aktorja Fatime Llugiqi

Prishtinë | 23/01/2019 20:05

Është ndarë nga jeta në moshën 67 vjeçare aktorja e mirënjohur, Fatime Llugiqi.

Lajmin e ka bërë të ditur familja e së ndjerës.

Lajmi për ndarjen nga jeta të aktores së mirënjohur Fatime Llugiqi ka pikëlluar gjithë komunitetin e artit skenik dhe artdashësit edhe në Ferizaj.

Drejtuesit e Teatrit “Adriana” në Ferizaj i shprehin ngushëllime të sinqerta familjes Llugiqi dhe gjithë komunitetit të artistëve anembanë vendit. Vdekja e parakohshme e aktores Llugiqi, e njohur për rolet e saj në film dhe teatër, lë një boshllëk të madh në vlerat tona artistike.

Llugiqi kishte mbaruar shkollën e lartë Pedagogjike, grupi i artit dramatik në vitin 1971/72, klasa e profesorëve të njohur Bekim Fehmiu dhe Faruk Begolli.

Ajo ishte e punësuar në Teatrin Kombëtar qe nga viti 1973.

Fatime Llugiqi mbahet mend për rolin e saj në filmin “Migjeni” me regji të Ismajl Ymerit, sikurse edhe për role të shumta në teatër dhe filma të tjerë.

Me rastin e ndarjes së saj nga jeta, Teatri Kombëtar i Kosovës do të mbajë nesër në orën 11:00 një mbledhje komemorative.

Loading...
 

Shpërndaje


Artikuj të sponzorizuar

Më shumë nga KosovaPress