Follow Us

*KYQU SQ EN
E Hënë, 11.12.2017 12:16

​Lufta kundër korrupsionit, element i rëndësishëm për integrim në BE

Prishtinë | 07/12/2017 13:31

Kryeprokurori i Shtetit, Aleksandër Lumezi, tha sot se lufta kundër korrupsionit është element shumë i rëndësishëm drejt rrugës për integrimin e Kosovës në Bashkimin Evropian.

Ai këto komente i bëri gjatë takimit me ambasadoren e Holandës në Prishtinë, Gerrie Willems, me të cilën bisedoi për sundimin e ligjit si dhe për veprimet të cilat ka ndërmarrë Prokurori i Shtetit, në përmbushjen e kriterit të dytë për liberalizimin e vizave.      

Gjatë këtij takimi kryeprokurori Lumezi, e njoftoi ambasadoren Willems me efikasitetin e sistemit prokurorial, duke theksuar se prokurorët  e Shtetit janë të vendosur dhe të gatshëm që të kontribuojnë  në forcimin  e sundimit të ligjit, si dhe të ndërgjegjshëm për t’u përballuar me sfidat që i ka sistemi prokurorial.

Lumezi ka theksuar se sfidë kryesore e institucionit që e udhëheq, mbetet luftimi i dukurive të këqija, si luftimi i korrupsionit, krimit të organizuar, krimeve ekonomike, terrorizmit dhe krimet e luftës. 

Ndërkaq, ambasadorja holandeze Willems, ka premtuar që shteti i Holandës do ta ndihmoj sistemin prokurorial,  si dhe i ka dhënë mbështetje kryeprokurorit Lumezi, për punën dhe angazhimin e tij në drejtim të forcimit të sundimit të Ligjit në Kosovë.

 

 

Shpërndaje


Artikuj të sponzorizuar

Më shumë nga KosovaPress