Follow Us

*KYQU SQ EN
*staurday, 20.07.2019 11:01

​​Kurti: Presidenti i Kosovës dhe kryetari i Kuvendit kanë gënjyer e shpifur nën betim

Prishtinë | 25/06/2019 23:51

Kryetari i Lëvizjes Vetëvendosje, Albin Kurti ka reaguar ndaj drejtësisë në Kosovë, duke i quajtur prokurorët “Prokurorë me flladitëse”.

“Askush nuk na thirri as sot, nga prokuroria e shtetit. U mbushën dy muaj që me Glaukun patëm dorëzuar kallëzimin penal. Presidenti i Kosovës dhe Kryetari i Kuvendit kanë gënjyer e shpifur nën betim”, ka shkruar Kurti.

Postimi i Kurtit në Facebook:

Prokurorë me flladitëse

Askush nuk na thirri as sot, nga prokuroria e shtetit. U mbushën dy muaj që me Glaukun patëm dorëzuar kallëzimin penal. Presidenti i Kosovës dhe Kryetari i Kuvendit kanë gënjyer e shpifur nën betim. Në procesin gjyqësor kundër kinse pjesëtarëve të organizatës së ashtuquajtur "Syri i Popullit", më 28 dhjetor 2018, kanë thënë një mal me të pavërteta. Prej asaj se dora ime dhe e Glaukut i paska shkruar komunikatat e Shtabit të Përgjithshëm të UÇK-së, te veshi i Presidentit që paska dëgjuar urdhër për vrasje nga ne, e deri te njëfarë krahu i armatosur i VETËVENDOSJE!-s.

Gjuha është prej tulit e letra duron gjithçka, por kur krerët e institucioneve gënjejnë në gjykatë porsa japin betimin se do flasin të vërtetën, kjo sigurisht se do të duhej t'ishte detyrë fort interesante për prokurorët. Ama jo edhe për këta tanët, meqë asnjëri, ama bash asnjëri, ende nuk na thirri, asnjërin prej neve dyve, as në ditën kur filloi muaji i tretë i moskokëçarjes së tyre. Thua se këta prokurorë populli ynë i varfër po i paguan veçse për t'u bërë fresk kriminelëve?!

Loading...
 

Shpërndaje


Artikuj të sponzorizuar

Më shumë nga KosovaPress