Hargitai: BERZH do të vazhdojë mbështetjen për Kosovën

Ministri i Financave Bedri Hamza, ka pritur sot në takim drejtoreshën për Ballkanin Perëndimor të Bankës Evropiane për Rindërtim dhe Zhvillim (BERZH) Zsuzsanna Hargitai, ku diskutuan në lidhje me bashkëpunimin në mes të Qeverisë së Kosovës dhe BERZH-it, bën te ditur komunikata për media nga MF.

Hamza theksoi se BERZH-i paraqet njërin ndër partnerët kryesor për Kosovën për realizimin e projekteve me rëndësi. Ministri theksoi rëndësinë e mbështetjes së Bankës për sektorin privat dhe inkurajoi Bankën për mbështetje të vazhdueshme të këtij sektori.

“Sektori privat është bartës kryesor i zhvillimit dhe rritjes ekonomike në vend andaj mbështetja e Bankës është e domosdoshme për të arritur këtë qëllim. Sa i përket sektorit publik ky vit pritet të jetë vit i realizimit të projekteve për të cilat konstruksioni financiar është i siguruar”, ka shtuar Hamza.

Ndërsa, drejtoresha e BERZH-it Zsuzsanna Hargitai vlerësoi lartë bashkëpunimin e Bankës me institucionet e Kosovës dhe shtoi se për projektet me rëndësi strategjike mbështetja e BERZH-it nuk do të mungojë. Ajo gjithashtu theksoi se BERZH do të vazhdojë të ofrojë mbështetje për sektorin privat dhe publik përmes formave të ndryshme të asistencës. /KosovaPress/

Temat:

...lajmi i plotë është në sistemin me parapagim.

Kjo web faqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.

Të gjitha të drejtat e rezervuara nga A.P.L. KosovaPress - COPYRIGHT
2002-2018

Shpërndaje

Artikuj të sponzorizuar