Follow Us

*KYQU SHQIP ENGLISH
E Diel, 17.11.2019 07:06

​Dy politikanë katalanas nën urdhërarrest evropian

Prishtinë | 08/11/2019 18:29

Politikanët pro pavarësisë katalanase, Antonio Comin dhe Luis Puig, janë arrestuar në Belgjikë dhe janë liruar me kusht, pasi Spanja lëshoi një kërkesë ekstradimi, deklaroi prokuroria e Brukselit.

Madridi po ndërmerr veprime juridike kundër disa separatistëve katalanas, të cilët u larguan nga Spanja pas një referendumi të jashtëligjshëm të pavarësisë në tetor të vitit 2017. Më i shquari mes tyre është Carles Puigdemont, ish-kreu i qeverisë së Katalonjës që drejtoi përpjekjen për shkëputjen e rajonit.

Spanja ka lëshuar urdhërarrest evropian për Puig, Comin dhe Puigdemont, ku të gjithë ndodhen në Belgjikë.

“Puig dhe Comin u paraqitën vullnetarisht në polici, ku u arrestuan dhe u njoftuan zyrtarisht për urdhërarrestin. Ata nuk ranë dakort për ekstradimin tek autoritetet spanjolle”, deklaroi prokuroria.

Puig dhe Comin u dëgjuan nga një gjykatës, i cili vendosi t’i lirojë me kusht që të mos largohen nga vendi dhe të jenë gjithmonë të arritshëm. Gjykata do të vendosë të premten e ardhshme në një seancë, nëse do të ekzekutojë urdhërarrestin. Seanca dëgjimore e Puigdemont është caktuar për në datën 16 dhjetor./ATSH/

Loading...
 

Shpërndaje


Artikuj të sponzorizuar

Më shumë nga KosovaPress