Follow Us

*KYQU SHQIP ENGLISH
*staurday, 14.12.2019 01:01

​Bahtiri: Shteti shqiptar nuk bën të hyjë në marrëveshje rajonale me Serbinë, e cila e lë anash Kosovën

Prishtinë | 13/11/2019 21:17

Kryetari i Komunës së Mitrovicës dhe zyrtari i VV-së, Agim Bahtiri ka kritikuar kryeministrin Shqipërisë, Edi Rama dhe presidentin e Kosovës, Hashim Thaçi, për të cilët thotë se për agjenda personale po hyjnë në marrëveshje me Serbinë në dëm të Kosovës.

“Përderisa shteti i Serbisë i udhëhequr nga Vuçiqi vazhdon ta dëmtojë Kosovën në çdo aspekt, shteti shqiptar nuk bën të hyjë në marrëveshje rajonale me Serbinë, e cila e lë anash Kosovën”, thotë ai.

Postimi i Bahtirit në Facebook:

Më shumë se për "mini-shengen" me Serbinë, Shqipëria duhet të kujdeset që të lehtësoj qarkullimin e njerëzve dhe mallrave me Kosovën, duke mos vendosur tarifa rrugore e barriera doganore. Kur të arrihet lëvizje e plot e lirë mes shqiptarëve të dy shteteve, atëherë Shqipëria dhe Kosova në koordinim me njëra tjetrën duhet ta lehtësojnë qarkullimin kufitar me shtetet mike rajonale. 

Përderisa shteti i Serbisë i udhëhequr nga Vuçiqi vazhdon ta dëmtoj Kosovën në çdo aspekt, shteti shqiptar nuk bën të hyj në marrëveshje rajonale me Serbinë, e cila e lë anash Kosovën. Si rezultat i dështimit në postet e tyre, Edi Rama me "mini-shengen" dhe Hashim Thaçi me biseda për marrëveshje përfundimtare me Serbinë, po marrin iniciativa personale për të qenë personalisht në qendër të vëmendjes mediale.

Treshja Rama-Vuçiq-Thaçi po tregohen aventuristë të humbur, në kohën kur mendësia qeverisëse në Kosovë ka ndryshur me kryeministrin në ardhje, z. Albin Kurti, i cili për dallim nga ta nuk e ka në agjendë interesin personal, por interesin shtetëror.

Loading...
 

Shpërndaje


Artikuj të sponzorizuar

Më shumë nga KosovaPress