Follow Us

*KYQU SHQIP ENGLISH
E Premte, 15.11.2019 10:47

​Java e Kulturës Shqiptare në Austri

| 17/11/2016 14:44

Në Vjenë të Austrisë do të mbahet projekti “Javët e Kulturës Shqiptare në Austri”.

Ky projekt do të fillojë me datën 21 nëntor të këtij viti dhe do të përfundoj më 09 dhjetor të këtij viti. Këtë projekt e organizon Këshilli Koordinues i shoqatave shqiptare (KKShShA) në Austri, dhe ka për qëllim ruajtjen e identitetit kombëtar, promovimin e vlerave kulturore shqiptare në Austri, ngritjen e nivelit të kulturës, integrimin sa më të mirë të shqiptarëve në të gjitha fushat e jetës austriake, arritja e audiencës austriake dhe ndërgjegjësimi i diasporës shqiptare në Austri mbi vlerat kulturore dhe artistike të kombit të vet.

Java e kulturës do të fillojë me ekspozitën “Lidhje me origjinën” të artistes Majlinda Kelmendi. Kjo ekspozitë përbëhet nga një mori pikturash si dhe nga një video-instalacion. Kjo ekspozitë do të mbahet në  Quellenstrasse dhe gjatë kësaj ekspozite do të performojë edhe grupi KA ZA, të cilët kanë zgjedhur disa këngë qytetare shqiptare.

Pastaj do të vijojë me natën e filmit i cili këshilli koordinues në bashkëpunim me Ambasadën e Shqipërisë në Vjenë do të organizojë një premierë ekskluzive të një filmi shqiptar. Ky aktivitet do të mbahet në Bezirksvorstenhug Widen më 30 nëntor.

Kurse, më 09 nëntor do të mbahet festa përmbyllëse që do të jetë një natë mjaftë e veçantë, dhe përfaqëson dymbëdhjetë netët e Javës së Kulturës Shqiptare në Austri. Përpos pritjes, prezantimit të javës dhe projektet e saj, mbrëmja do të trajtohet si lloj feste ku do të mbizotërojë muzika e gjallë shqipe. Gjithashtu do të ketë edhe ushqim dhe pije tradicionale shqiptare, ku do të ketë edhe sofër.

Shqiptarët në Austri nuk identifikohen vetëm si punëtorë emigrant apo refugjatë, por ka shumë shqiptarë me profile të ndryshme nga shkenca, kultura dhe sporti. Gjithashtu në Vjenë studiojnë mbi 1500 të rinj shqiptarë në universitete të ndryshme. /KosovaPress/

Loading...
 

Shpërndaje


Artikuj të sponzorizuar

Më shumë nga KosovaPress