Follow Us

*KYQU SQ EN
E Diel, 21.07.2019 12:11

Ketu publikohen komunikatat dhe njoftimet. Kosovapress nuk merr pergjegjesi per permbajtjen e tyre. Nese deshironi te publikoni, kontaktoni ne [email protected] apo ne nr. Tel. +377 (0) 45 723 045

​Tahiri: Zbatimi efikas i ligjeve, fokusi i radhës për sektorin e drejtësisë

Prishtinë | 17/06/2019 16:55

Ministri i Drejtësisë, Abelard Tahiri, ka marrë pjesë në takimin e bordit të projektit të UNDP-së "Përmirësimi i Qasjes në Drejtësi dhe Reformës së Sundimit të Ligjit", i mbështetur nga Ministria e Punëve të Jashtme të Norvegjisë përmes Ambasadës Norvegjeze në Prishtinë.

Ky projekt, sipas ministrit Tahiri, ka ndihmuar me ekspertizën e tyre dhe mbështetjen direkte në analizat dhe konceptet e reja që shoqërojnë zbatimin sa më efikas të ligjeve të sektorit të drejtësisë që janë aprovuar së fundmi.

“Jam i lumtur që reformat e ndërmarra nga ana jonë, si  në drejtësinë penale, ashtu edhe në legjislacionin që mundëson qasje më efikase në realizimin e të drejtave ligjore të qytetarëve tanë, kanë gjetur dhe po gjejnë mbështetje të fuqishme prej partnerëve zhvillimor, me këtë rast UNDP-së dhe Mbretërisë së Norvegjisë. Jemi falënderues ndaj taksapaguesve norvegjez për këtë mbështetje dhe do bëjmë përpjekje maksimale që përpjekjet tona të përbashkëta të përmirësojnë ndjeshëm përvojën e qytetareve të Republikës së Kosovës me sistemin e drejtësisë në vendin tonë. Fokusi ynë i deritanishëm për reformat legjislative, do të përcillet ngushtë me koordinimin dhe mbështetjen ndër institucionale me qëllim të zbatimit sa më efikas të tyre” tha ministri Tahiri.

Përmes këtij partneriteti, UNDP dhe Ambasada Norvegjeze janë duke ndihmuar Ministrinë e Drejtësisë për zbatimin e masave të “Drejtësisë 2020” dhe në analizën e të dhënave që dalin në kuadër të procesit të Rishikimit Funksional të Sektorit të Sundimit të Ligjit

Reformat e ndërmarra, sipas ministrit Tahiri, po mundësojnë krijimin e një sistemi modern, që do të karakterizohet nga efikasiteti, transparenca, llogaridhënia dhe qasja më e lehtë në drejtësi.

Loading...
 

Shpërndaje


Artikuj të sponzorizuar

Më shumë nga KosovaPress