Follow Us

*KYQU SHQIP ENGLISH
*staurday, 18.01.2020 08:52

Ketu publikohen komunikatat dhe njoftimet. Kosovapress nuk merr pergjegjesi per permbajtjen e tyre. Nese deshironi te publikoni, kontaktoni ne [email protected] apo ne nr. Tel. +377 (0) 45 723 045

​Muhedin Nushi: Në fund të vitit Shpend Ahmeti publikon raportin me 100 premtimet e tij

Prishtinë | 04/12/2019 13:17

Demokraci Plus (D+) mbajti tryezë diskutimi me kryetarë, nënkryetarë dhe zyrtarë të komunave të ndryshme në vend ku u prezantua raporti “Progresi në zotimet për qeverisje të mirë – 2 vite pas”, për zotimet e nënshkruara në tetor të 2017-s nga kryetarët e komunave më të mëdha në vend, gjatë kohës sa ishin kandidatë për këtë pozitë.

Kryetarët u zotuan për publikim të vendimeve në ueb, transparencë financiare, konsultime publike në lagje dhe fshatra, transparencë në prokurim publik, publikim të raportit të përmbushjes së premtimeve, si dhe adresimi i kërkesave të qytetarëve përmes platformave online.

Debora Peci hulumtuese në D+, duke prezantuar të gjeturat e këtij raporti vuri në pah se në vlerësimin e bërë për vitin 2019, vërehet se edhe këtë vit jo të gjitha komunat kanë arritur t’i përmbushin të gjitha zotimet.

Për dallim nga viti i kaluar, këtë vit komuna e Prishtinës ka arritur t’i përmbush zotimet, e pasuar nga komuna e Pejës dhe Gjakovës, e cila ka shënuar progres nga viti i kaluar. Ndërsa komuna e cila më së paku ka arritur t’i përmbushë zotimet për qeverisje të mirë është ajo e Ferizajt.

Kryetari i Komunës së Pejës, Gazmend Muhaxheri, vlerësoi këtë publikim, duke thënë se kjo komunë mundohet që të mbajë në vazhdimësi transparencë dhe se për këtë kanë bashkëpunim me donatorë dhe OJQ.

Nënkryetari i Komunës së Prishtinës, Muhedin Nushi tha se pajtohet me të gjeturat e raportit të D+ dhe se janë të përqendruar nga mandati i parë në transparencë, në digjitalizim dhe në konsultat publike.

“Në fund të vitit kryetari do të bëjë publikimin e raportit me 100 premtimet e tij”, tha ai.

Nënkryetarja e Komunës së Prizrenit, Memnuna Ajdini, vuri në pah se kjo komunë ka përmirësime dhe se platformat online kanë ndikuar në bashkëpunim me komunitetet, por e paraqiti si problem pjesëmarrjen e ulët të grave, sidomos në debate publike.

Nënkryetari i Komunës së Mitrovicës, Faruk Mujka, theksoi se raporte të tilla si të D+ ndihmojnë komunat për përmirësime në performancë dhe çështje të tjera, duke vënë në pah se sa i përket transparencës janë shpërblyer si komuna më e mirë në vend.

Drejtori për Buxhet dhe Financa në Komunën e Gjilanit, Zijadin Maliqi, tha se nuk pajtohet me njërën nga të gjeturat e raportit të D+ sa i përket transparencës buxhetore, duke thënë se çdo gjë është e publikuar online. Por, ai e pranoi se te fusha e prokurimit nuk qëndrojnë mirë.

Fatos Axhemi, nga Komuna e Gjakovës, theksoi se janë në përkrahje të platformave online të D+ që kontribuojnë në transparencë dhe jo vetëm.

Loading...
 

Shpërndaje


Artikuj të sponzorizuar

Më shumë nga KosovaPress