Follow Us

*KYQU SQ EN
E Hënë, 21.10.2019 06:17

Ketu publikohen komunikatat dhe njoftimet. Kosovapress nuk merr pergjegjesi per permbajtjen e tyre. Nese deshironi te publikoni, kontaktoni ne [email protected] apo ne nr. Tel. +377 (0) 45 723 045

​Ministri Gashi takim lamtumirës me Ambasadorin e Francës në Kosovë

Prishtinë | 05/07/2019 16:37

Ministri i Kulturës Rinisë dhe Sportit, sot ka pritur në takim lamtumirës Ambasadorin e Republikës së Francës, Didier Chabert

Ministri Gashi e ka falënderuar ambasadorin  për punën që ka bërë në Kosovë në avancimin e marrëdhënieve në mes Francës dhe Kosovës, e me theks të veçantë në përkrahjen dhe mbështetjen e fuqishme që i ka dhënë institucioneve të kulturës dhe të trashëgimisë kulturore në vendin tonë.

Ministri Gashi, falënderoi ambasadorin Chabert për kontributin e tij që e ka dhënë në Kosovë dhe shprehu mirënjohje për mbështetjen që ia ka bërë institucioneve të kulturës dhe të trashëgimisë kulturore, me qëllim të zhvillimit më dinamik të jetës kulturore në vendin tonë.

“Marrëdhëniet në mes dy vendeve tona janë më shumë se sa marrëdhënie në mes dy vendeve mike dhe popujve miqësor”, u shpreh ministri Gashi gjatë takimit me ambasadorin Chabert, duke shtuar se populli dhe shteti francez kanë qenë në krahë të popullit të Kosovës nëpër të gjitha fazat nëpër të cilat ka kaluar vendi ynë.

Po ashtu, edhe ambasadori francez, ka falënderuar ministrin Gashi për bashkëpunimin e tyre duke theksuar vendosmërinë e Francës për mbështetjen e përparimit të Republikës së Kosovës nëpër të gjitha fushat jetësore.

“Jam i impresionuar me dinamikën e punës që po bëni dhe të jetës kulturore që ka veni juaj, kjo sigurisht është edhe përkushtimin  i institucioneve të kulturës dhe të trashëgimisë kulturore në Kosovë”, ka thënë në fund ambasadori.

Ministri Gashi në shenjë mirënjohje për përkushtimin dhe mbështetjen e Ambasadës dhe Ambasadorin e Francës i dhuroi një vepër të autorit të njohur kosovar, Rexho Mulliqi.

Loading...
 
 

Shpërndaje


Artikuj të sponzorizuar

Më shumë nga KosovaPress