Follow Us

*KYQU SQ EN
E Hënë, 21.10.2019 06:21

Ketu publikohen komunikatat dhe njoftimet. Kosovapress nuk merr pergjegjesi per permbajtjen e tyre. Nese deshironi te publikoni, kontaktoni ne [email protected] apo ne nr. Tel. +377 (0) 45 723 045

​Malisheva e përgatitur për pritjen dhe ofrimin e shërbimeve për mërgimtarë

Prishtinë | 08/07/2019 11:59

Komuna e Malishevës, është e përgatitur për ofrimin e shërbimeve më efikase për këtë sezon, e në veçanti për mërgimtarët të cilët gjatë verës kthehen për pushime në vendlindje.

Po ashtu për mërgimtarët do të lirohet edhe parkingu i komunës, si dhe çështjet tjera teknike do të jenë në shërbim të mërgimtarëve dhe qytetarëve tjerë. Kështu u tha në mbledhjen e rregullt të Këshillit të Drejtorëve, e cila është drejtuar nga kryetari i komunës, Ragip Begaj.

Drejtoria e administratës është përgatitur për sezonin pranveror dhe shërbimet do të jenë të shpejta dhe efikase, ndërsa edhe parkingu i komunës, do të jetë në shërbim të mërgimtarëve, në mënyrë që mërgimtarëve t’ju lehtësohet nxjerrja e dokumentacionit të nevojshëm, pa u shkaktuar tollovi apo pritje para sporteleve por edhe pa pasur probleme për parking.

Në mbledhjen e sotme, u bë e ditur se është bërë shpallja për festivalin folklorik “Oda e Llapushës”, edicioni i gjashtë dhe tashmë grupet dhe rapsodët kanë filluar të paraqiten për pjesëmarrje.

Edhe drejtoritë tjera, kanë raportuar për punët dhe aktivitete e tyre gjatë javës së kaluar dhe planifikimeve për javën në vijim, ku është bërë e ditur për zhvillimin e shumë procedurave dhe fillimin e realizimit të disa projekteve të planifikuara për këtë vit.

Edhe shërbimet publike, gjithashtu kanë bërë të ditur se janë duke i kryer të gjitha shërbimet e nevojshme, ndërsa kanë njoftuar edhe realizimin e projektit të rregullimit të ndriçimit publik në disa vendbanime të Komunës së Malishevës.

Po ashtu në këtë mbledhje, është njoftuar edhe për vazhdimin e fushatës së dezinsektimit selektiv, në kuadër të zbatimit të masave për parandalimin dhe luftimin e etheve hemorragjike krime kongo.

Loading...
 
 

Shpërndaje


Artikuj të sponzorizuar

Më shumë nga KosovaPress