Follow Us

*KYQU SHQIP ENGLISH
E Premte, 15.11.2019 05:34

Ketu publikohen komunikatat dhe njoftimet. Kosovapress nuk merr pergjegjesi per permbajtjen e tyre. Nese deshironi te publikoni, kontaktoni ne [email protected] apo ne nr. Tel. +377 (0) 45 723 045

​KPK miraton politikat e trajnimeve për prokurorë dhe stafin administrativ për 2020

Prishtinë | 22/10/2019 16:15

Këshilli Prokurorial i Kosovës (KPK) miratoi sot në takimin e tij të rregullt politikat e trajnimit për prokurorët dhe stafin administrativ të sistemit prokurorial për vitin 2020, të cilat do ta përshtaten me Planin e punës së Akademisë së Drejtësisë dhe bazohen në kompetencat ndërsektoriale.

Po ashtu në takim janë harmonizuar me dokumentet strategjike, duke i kushtuar vëmendje të veçantë metodologjisë së luftimit të krimit financiar, korrupsionit dhe krimeve të luftës. 

Gjatë këtij takimi të udhëhequr nga Kryesuesi Bahri Hyseni, pas hedhjes së shortit, Këshilli Prokurorial ka miratuar po ashtu formimin e dy paneleve hetimore për shqyrtimin e rasteve disiplinore në Prokurorinë Themelore në Gjilan.

Në kuadër të raportimeve të rregullta të kryesuesve të komisioneve të përhershme për aktivitetet e tyre për nëntëmujorin e këtij viti, Këshillit i raportuan kryesuesi i Komisionit për Çështje Normative, Zejnullah Gashi, kryesuesja e Komisionit për Vlerësimin e Prokurorëve, Ikramije Bojaxhiu, ajo e Komisionit për Buxhet, Financa dhe Personel, Dëshirë Jusaj dhe kryesuesja e Komisionit për Administrimin e Prokurorive, Radica Miliq.

Në fund të takimit është miratuar edhe raporti i Komisionit për Vlerësim të performancës së prokurorëve.  

Loading...
 

Shpërndaje


Artikuj të sponzorizuar

Më shumë nga KosovaPress