Follow Us

*KYQU SHQIP ENGLISH
E Premte, 15.11.2019 07:26

​Shpenzimet qeveritare për 9 muaj u rritën për 77 milionë euro

Prishtinë | 05/11/2019 16:35

Qeveria në detyrë e Kosovës në mbledhjen e sotme ka miratuar propozim-vendimin për kursime dhe ndarje buxhetore të organizatave buxhetore, raportin e Thesarit për të hyrat dhe shpenzimet nëntëmujore dhe propozim-vendimi për rivarrimin e dëshmorëve të kombit.

Kryeministri në detyrë, Ramush Haradinaj, vlerësoi se me këtë mbledhje sigurohet funksionimi i institucioneve në aspektin buxhetor dhe siguron vazhdimin e mbështetjes dhe përkujdesjes në veçanti për kategoritë sociale.

Ministri në detyrë i Financave, Bedri Hamza, duke arsyetuar propozim-vendimin tha se janë evidentuar mbi 31 milionë e 217 mijë euro të kursyera nga organizatat buxhetore dhe se ato do të shpërndahen në Ministrinë e Punës dhe Mirëqenies Sociale, Fondit të Sigurimeve Shëndetësore, Shërbimit Spitalor Klinik Universitar, Ministrinë e Punëve të Jashtme, Ministrinë e Administratës Publike, Ministrinë e Arsimit, Ministrinë e Punëve të Brendshme përkatësisht të policisë në vlerë prej 4 milionë e 185 mijë euro për blerje e pajisje që janë të nevojshme për policinë e Kosovës.

Hamza  foli edhe për raportin që evidenton se në këtë periudhë, janar - shtator janë realizuar të hyra të përgjithshme në vlerë prej 1 miliard e 676 milionë euro, ndërsa shpenzimet janë në vlerë 1 miliard e 407 milionë euro, sipas të cilit ka rritje të shpenzimeve.

Në mbledhjen e sotme është aprovuar edhe vendimi për rivarrimin e dëshmorëve të kombit Afrim Zhitia, Fahri Fazliu, Bahri Fazliu dhe Agron Rrahmani, në Kompleksin e Varrezave të Dëshmorëve në Velani.

Qeveria në detyrë ka ndarë mjete në vlerë prej 42 mijë euro, për angazhimin e ekspertëve që do të punojnë në përfitimin e fondeve nga projektet MCC.

Kujtojmë që Qeveria në detyrë nuk ka mbajtur mbledhje që prej 26 korrikut. /KosovaPress/

Loading...
 

Shpërndaje


Artikuj të sponzorizuar

Më shumë nga KosovaPress