Follow Us

*KYQU SQ EN
E Mërkurë, 19.09.2018 11:35

​Një fund i pashmangshëm i Postës së Kosovës

Prishtinë | 13/03/2018 16:39

Një fund i pashmangshëm, një shembull tipik i keqmenaxhimit ndër vite, i cili në asnjë mënyrë nuk duhet të ndiqet. Në veçanti nuk duhet të ndiqet nga Qeveria e Kosovës kur shpenzimet janë në mospërputhje të plotë me të hyrat, ka shkruar në një postim në Facebook, deputeti i parlamentit të Kosovës, Bilall Sherifi.

Bordi i drejtorëve të postës ka deklaruar të hënën se punëtorët e postës nga muaj tjetër mund të mbesin pa paga.

Edhe përkundër gjendjes së rëndë në postë, mbi 90 % të të hyrave vazhdon ti dedikojë për paga, duke dhenë një shembull drastik të keqmenaxhimit.

Paga mesatare në kompanitë publike vlerësohet të jetë rreth 700 euro, tepricë 100% me shumë të punëtorëve, duke tejkaluar mbi 100% bizneset dhe mbi 60%, pagat në institucionet e shtetit.

Drejtor ekzekutiv në postën e Kosovës për disa vite me radhë vazhdon te jetë Sejdi Hoxha, i cili në pozitë të njëjtë me herët ishte në Hekurudhën e Kosovës, e cila vazhdon te ketë probleme të ngjashme.

Ja postimi i plotë i Bilall Sherifit:

Ky është një fund i pashmangshëm kur shpenzimet janë në mospërputhje të plotë me të hyrat. Kur më shumë harxhon se sa që realizon. Një shembull tipik i keq menaxhimit ndër vite, i cili në asnjë mënyrë nuk duhet të ndiqet. Në veçanti nuk duhet të ndiqet nga Qeveria e Kosovës,

Në të kundërtën nëse do të ndiqej ky shembull, sërish do të mund të zgjoheshim në një mëngjes me një lajm të tillë, vetëm se kësaj radhe nga Qeveria e Kosovës duke konstatuar se vendi është në krizë dhe se muajin tjetër ministria e financave nuk do të mund të bëjë pagesën e pagave”!

 

Shpërndaje


Artikuj të sponzorizuar

Më shumë nga KosovaPress