Follow Us

*KYQU SQ EN
E Premte, 20.07.2018 03:03

​Ngritje e butë e çmimeve të konsumit në qershor

Prishtinë | 11/07/2018 14:13

Çmimet e konsumit në vend është më i lartë për 0.1% në qershor 2018, krahasuar me një muaj më herët, ka bërë të ditur sot Agjencia e Statistikave të Kosovës.

Kjo për shkak të shtrenjtimit te nëngrupet e COICOP-it, pemë 4.6%, rrymë, gaz dhe lëndë djegëse të tjera 1.2%, përdorimi i pajisjeve për transportin personal 2.9%, ngritje e çmimit të naftës dhe benzinës me një ndikim të përbashkët të këtyre nëngrupeve prej 0.4 për qind në IHÇK.

Ngritja u neutralizua, kryesisht nga rënia e çmimeve të konsumit te nëngrupet e COICOP-it bukë dhe drithëra -0.5%, perime -5.6%, me një ndikim të përbashkët prej -0.3 për qind në IHÇK. 

Shkalla e inflacionit e matur në qershor 2018 me muajin qershor 2017 ishte 0.8%.

Çmimet e konsumit janë më të larta për 0.8% në qershor 2018, krahasuar me qershor 2017, për shkak të ngritjes së çmimeve të konsumit te nëngrupet e COICOP-it bukë dhe drithëra 1.5%,  mish 1.1%, qumësht, djathë dhe vezë 1.8%, perime 9.0%, pije alkoolike 2.3%, duhan 3.2%, përdorim i pajisjeve për transport personal 8.4%, etj.

Ndërsa, ngritja u neutralizua, kryesisht nga rënia e çmimeve të konsumit te nëngrupet e COICOP-it pemë -3.4%, sheqer dhe ëmbëlsira -8.4%, ujë mineral, pije joalkoolike, lëngje nga pemët dhe perimet -1.5%, rrymë, gaz dhe lëndë të tjera djegëse -7.0%, etj.

 

Shpërndaje


Artikuj të sponzorizuar

Më shumë nga KosovaPress