Follow Us

*KYQU SHQIP ENGLISH
E Martë, 12.11.2019 12:35

​Regjistrohet dridhja e parë sizmike në Mars – video

Londër | 24/04/2019 14:44

Një robot i stacionuar në planetin e kuq ka zbuluar për herë të parë atë që mendohet të jetë "dridhje sizmike marsiane".

Landeri InSight i NASA-s ka regjistruar dridhje të dobëta nën sipërfaqe që nga dhjetori, kur e vendosi sizmometrin për të filluar misionin novator.

Ekipi i InSight thotë se landeri ka matur dhe regjistruar një sinjal sizmik më 6 prill, ditën e 128-të të tij marsiane, duke përdorur instrumentin Eksperimenti Sizmik për Strukturën e Brendshme (SEIS).

Përderisa dridhje tjera janë regjistruar, sinjalet e mëparshme mendohet se janë shkaktuar nga aktivitete mbi sipërfaqen siç është era.


Tërmeti i dyshuar sizmik marsian i datës 6 prill duket se ka origjinën nga brenda thellësitë, transmeton KosovaPress.

Përpjekjet e InSight u ndërtuan mbi punën e astronautëve të Apollo në Hënë gjatë viteve 1960 dhe ‘70, të cilat së pari zbuluan të dhëna mbi aktivitetin hënor sizmik dhe brendësinë e saj.

Në mënyrë të ngjashme, shpresohet se matjet e sizmometrit do të ndihmojnë për të përmirësuar njohuritë tona për zhvillimet në thellësi të planetit të kuq.

Ekipi thotë se ngjarja e parë sizmike ishte shumë e vogël për të mbledhur të dhëna të forta në këtë front, por ata presin që kjo të jetë vetëm e para nga shumë.


Studiuesi kryesor Bruce Banerdt nga Laboratori Jet Propulsion i NASA në Pasadena të Kalifornisë tha se kjo ngjarje zyrtarisht fillon një fushë të re: “sizmologjinë marsiane!”

Ndërsa, Lori Glaze, drejtor i Divizionit të Shkencave Planetare në Shtabin e NASA-s theksoi se ngjarja është emocionuese, pasi madhësia dhe kohëzgjatja e saj përputhen me profilin e aktiviteteve sizmike të zbuluara në Hënë gjatë misioneve Apollo.

Sipas shkencëtarëve, InSight zbuloi gjithashtu sinjale sizmike më 14 mars, 10 dhe 11 prill, por të cilat ishin më të vogla, ndërkohë që shkencëtarët ende po punojnë për të përcaktuar shkaqet e tyre.

Ndryshe, brenda disa ditësh nga mbërritja në planetin e kuq në dhjetor, landeri InSight “detektoi një erë me fuqi prej 5 deri 7 metra për sekondë në nga veriperëndimi drejt juglindjes”, shkruan Daily Mail.

Loading...
 

Shpërndaje


Artikuj të sponzorizuar

Më shumë nga KosovaPress