Zëdhënësi i Qeverisë, transparent por nuk flet (Video)

prev next
 
Prishtinë E premte, 03 Maj 2013 16:12

Një kukull e zhveshur, me kollare rreth qafe, me disa dokumente nën këmbë, ishte performanca që Asociacioni i Gazetarëve Profesionist të Kosovës (AGPK) e bëri para objektit të Qeverisë më 3 maj, në Ditën Ndërkombëtare të Lirisë së Shtypit.

Për shumë vite, AGPK-ja, në emër të gazetarëve, kanë kërkuar që Qeveria të emëroj një zëdhënës dhe të lejojnë qasje në dokumente zyrtare por kjo nuk ka ndodhur, andaj AGPK-ja, edhe një herë, ka bërë thirrje që këto të rregullohen sa më shpejtë.

Anëtarja e Bordit të AGPK-së, Teuta Gashi, ka thënë se kjo është kërkesë e të gjithë gazetarëve në mënyrë që të njoftojnë qytetarët me punët që po bëjnë institucionet e vendit.

“Kjo kukull simbolizon kërkesën e gazetarëve që të kemi një zëdhënës dhe të kemi qasje në dokumente zyrtare sepse këto të dyja e lehtësojë punën tonë dhe ne mund t’u transmetojmë qytetarëve çdo vendim që merr Qeveria dhe çdo punë që bënë”, ka thënë ajo.

Ajo u drejtua kolegëve të saj gazetarë duke u thënë se nëse kanë pyetje t’i drejtohen zëdhënësit kukull që e kishin vendosur para objektit të Qeverisë.

“Transparentë po duket zëdhënësi i qeverisë por ju mundeni me ditë sa mund të jep deklarata një kukull si kjo. Ne vazhdimisht kërkojmë në emër të gazetarëve që të kemi transparencë nga ana e Qeverisë”, ka thënë ajo.

Kjo performacë ishte, njëri nga aktivitet që kishte organizuar në Ditën Ndërkombëtare të Lirisë së Shtypit, e AGPK-së. /Kosovapress/

 
 
 
comments powered by Disqus
 
 
 
 
 

Ju rekomandojmë