Ushqimi në paketime plastike ngrit tensionin e gjakut

prev next
 
Nju Jork E shtune, 25 Maj 2013 17:54

Sipas një studimi të ri të bërë nga shkencëtarët amerikanë thuhet se kemikatet që gjenden në plastikë mund të shkaktojnë tensionin e lartë të gjakut tek fëmijët.

Ekspozimi i kemikateve në paketimin e ushqimit dhe sendeve tjera thuhet se shkaktojnë anomali hormonale sidomos gjatë zhvillimit të hershëm tek fëmijët.

Ky studim është bërë nga hulumtuesit e qendrës së mjekësisë së Universitetit të New York-ut në bashkëpunim më hulumtuesit e Universitetit të Washington-it dhe shkollës së mjekësisë nga Universiteti i shtetit Penn.

Si analizë studimore shkencëtarët kanë marrë analizat e afro 3.000 fëmijëve kurse si shkaktare e këtij problemi tek fëmijët është DEHP (DI-2-ethyhexylphthalate) e cila është përdorur shpesh në prodhimin e ushqimit industrial e cila rrit presionin në arterie dhe shpejton rrahjen e zemrës.

Produktet e plastikës që duhet shmangur nga prindërit janë gotat e plastikës, topat e plazhit dhe paketimet tjera që përmbajnë aditiv pangjyrë dhe pa erë toksike.

“Phthalates mund të pengojë funksionimin e qelizave kardiake dhe të shkaktojë stres oksidativ që përkeqëson shëndetin e arterieve dhe me këtë shkaktohen edhe anomalitë e padëshiruara tek të miturit”, tha Dr Leonardo Trasande, profesor i pediatrisë në Universitetin e New York-ut përkatësisht në qendrën mjkësore “Langone”.

Sipas tij nuk janë vetëm dietat që duket fajësuar në mos arritjen e rezultateve të dëshiruara në humbjen e peshës te fëmijët me obezitet.

“Zbulimet e reja tregojnë se faktorët e mjedisit mund të jenë gjithashtu pjesë e problemit”, shtoi ai.

Sipas tij ekspozimi i phthalates mund të kontrollohet përmes ndërhyrjeve rregullatore dhe të sjelljes kurse në ndërhyrjet dietetike dhe të sjelljes mund të mbrohemi nga problemet në shëndetin kardiovaskular.

 
 
 
comments powered by Disqus