• Lajmi
  • KosovaPress, 26 Prill 2012 20:38

Turqia, çdo lloj ndihme për Kosovën

prev next
 
Të ngjajshëm

Numri një i parlamentit turk u shpreh se vendi i tij është gati të japë çdo lloj ndihme për Republikën e Kosovës.

Ndërsa z. Krasniqi mbështetjen e Turqisë ndaj vendit të tij e përmblodhi me fjalët: "Kemi marrë një përkrahje politike të fuqishme."

Kryetari i Asamblesë së Madhe Popullore të Turqisë, Xhemil Çiçek dhe homologu i tij kosovar fillimisht u takuan kokë më kokë, në vijim u realizuan bisedimet ndërmjet delegacioneve.

Xhemil Çiçek përmendi faktin se midis Turqisë dhe Kosovës ekzistojnë lidhje të fuqishme historiko-kulturore dhe shtoi: "Neve na takon të ndërtojmë marrëdhënie shumë më rrënjësore."

Kurse Kryeparlamentari i Kosovës, Jakup Krasniqi falënderoi përzemërsisht Republikën e Turqisë për ndihmat dhe mbështetjen, që i ka dhënë në vazhdimësi vendit të tij.

Jakup Krasniqi vuri në dukje se deri më tani Kosovën e kanë njohur 90 vende, por procesi i njohjeve duhet të vijojë fuqishëm për të mundësuar anëtarësimin në Organizatën e Kombeve të Bashkuara. Krasniqi kërkoi angazhimin efikas të Turqisë për normalizimin e marrëdhënieve të Kosovës me Serbinë.