• Lajmi
  • KosovaPress, 08 Gusht 2012 10:58

Sllovakia duhet ta njoh Kosovën

prev next
 
Të ngjajshëm

Lideri i Lëvizjes VETËVENDOSJE! Albin Kurti, i shoqëruar nga zyrtarë të tjerë të kësaj lëvizjeje, ka pritur sot në takim Mikulas Dzurinda, deputet i parlamentit sllovak dhe ish kryeministër i Sllovakisë, shoqëruar nga Milan Jezovica, analist politik dhe ish zëvendës ministër i punëve të jashtme, Viktoria Jancosekova, asistente dhe shefe e kabinetit të Dzurinda dhe Lucia Klapacova, këshilltare për punë të jashtme. Gjatë këtij takimi, Kurti ka thënë se njohja e pavarësisë së Kosovës nga Sllovakia do t’i sillte stabilitet si në rajonit ashtu edhe në BE.

Sipas një komunikate të Lëvizjes Vetëvendosje, në këtë takim është biseduar mbi situatën politike në Kosovë dhe sfidat që po i kalon Kosova si shtet i ri në forcimin e sovranitetit të saj dhe njohjes ndërkombëtare të subjektivitetit të saj. “Theks të veçantë ju dha raporteve ne mes Kosovës dhe Serbisë”, thuhet në komunikatë.

Kurti ka thënë se Kosova, si shtet i ri, ka nevojë urgjente për ushtrimin e sovranitetit në tërë territorin e saj, ruajtjen e integritetit territorial dhe zhvillimin ekonomik, duke mos harruar sundimin e ligjit dhe transparencën në punën e institucioneve.

Z. Dzurinda thuhet të ketë folur me përfaqësuesit e Lëvizjes Vetëvendosje disa nga përvojat e Sllovakisë në këto fusha.

“Në takim, po ashtu, u diskutuan edhe marrëdhëniet e Kosovës me Serbinë me theks të veçantë në qëllimet e Serbisë për Kosovën dhe rajonin, si dhe vështirësitë që kjo po ja shkakton Kosovës për zhvillim normal. Në takim u fol edhe për integrimin e serbëve në shoqërinë kosovare e jo vetëm në institucionet e saj, integrim ky i cili po pengohet në çdo mënyrë nga Serbia”, thuhet në komunikatë.

Lëvizja Vetëvendosje ka kërkuar nga delegacioni që Sllovakia ta njohë sa më shpejte Kosovën, sepse kjo do të sillte përparim kualitativ e jo vetëm kuantitativ në stabilizimin e Kosovës, si në rajon ashtu edhe në BE.

Mikulas Dzurinda, thuhet të ketë shprehur vullnetin që marrëdhëniet në mes Kosovës dhe Sllovakisë të ngritën në nivel më të lartë.