Follow Us

KYQU SQ EN
E Enjte, 29.09.2016 07:13

​Rohan: Pavarësia rrezikohet nga korrupsioni

Cyrih | 14/04/2006 10:36

Nëse në Kosovë nuk ndodhin përmirësime dramatike në raportet ndëretnike, si dhe në fushën e standardeve siç është sundimi i ligjit, lufta kundër korrupsionit dhe funksionimi i institucioneve shtetërore, atëherë sovraniteti i Kosovës nuk ka nevojë të ndodhë, ka paralajmëruar zëvendësi i emisarit special të Kombeve të Bashkuara për statusin e Kosovës, Albert Rohan, në një intervistë dhënë gazetës zvicerane “Tages Anzeiger”.

Nëse në Kosovë nuk ndodhin përmirësime dramatike në raportet ndëretnike, si dhe në fushën e standardeve siç është sundimi i ligjit, lufta kundër korrupsionit dhe funksionimi i institucioneve shtetërore, atëherë sovraniteti i Kosovës nuk ka nevojë të ndodhë, ka paralajmëruar zëvendësi i emisarit special të Kombeve të Bashkuara për statusin e Kosovës, Albert Rohan, në një intervistë dhënë gazetës zvicerane “Tages Anzeiger”.


Diplomati austriak, i cili ka udhëhequr deri më tash tri takimet e para të bisedimeve Prishtinë-Beograd në Vjenë për decentralizim, është shprehur se detyra e ekipit negociator ndërkombëtar është që të ndërmjetësojë lidhur me çështjen e statusit, por jo edhe të vendosë, pasi sipas tij vendimin përfundimtar do ta marrë Këshilli i Sigurimit i Kombeve të Bashkuara.


Rohan nuk ka dashur të komentojë nëse pavarësia e kushtëzuar do të thotë se Kosova nuk do të jetë anëtare e Kombeve të Bashkuara dhe të mos ketë përfaqësi në vendet e jashtme. Sipas tij para vjeshtës do të fillojnë bisedimet për statusin.


“Pajtimi për një kompromis do të jetë i vështirë nëse mungon vullneti politik. Mes dëshirës së kosovarëve për sovranitet të pakufizuar dhe ofertës për autonominë e serbëve ekziston një sërë mundësish,” është shprehur ai.


Pyetjes se a po kërkon Rusia si çmim për pavarësinë e Kosovës që perëndimi të pranojë pavarësinë e rajoneve të kontrolluara nga rusët si Abhazia, Osetia Jugore, Transnistria, Rohan tha se nuk beson se çështja e Kosovës do të dështojë për shkak të kundërshtimit rus. “Por nuk duhet menduar paraprakisht se Rusia do të pranojë të gjitha zgjedhjet,” tha ai.

 
 

Shpërndaje


Artikuj të sponzorizuar

Më shumë nga KosovaPress