Prioritet, integrimi euroatlantik

prev next
 
Prishtinë E mërkurë, 12 Shtator 2012 16:45

Kryeministri i Kosovës në mbledhjen e parë të Qeverisë së Kosovës pas vendimit të Grupit Drejtues Ndërkombëtar për përfundimin e mbikëqyrjes së pavarësisë, ka theksuar se institucionet e Kosovës tani kanë prioritet integrimet euroatlantike.

“Ai kapitull u mbyll me sukses të plotë, me mbështetje dhe besim të plotë ndërkombëtar për shtetin e Kosovës, për shtetin normal dhe funksional, për shtetin me perspektivë evropiane. Kjo është meritë e gjithë spektrit politik kosovar, është meritë para së gjithash e gjithë qytetarëve të Kosovës. Kjo ka qenë një ëndërr që u bë realitet, është një e arritur historike të hapjes së një kapitulli të ri, kapitullit euroatlantik për shtetin e Kosovës të integrimit në NATO dhe BE. Falënderoj të gjithë pjesëmarrësit ndërkombëtarë në manifestimet solemne të institucioneve të Republikës se Kosovës dhe ata që nuk kanë marrë pjesë, por kanë dërguar mesazhe mbështetje”.

Kryeministri Thaçi tha se, në vendin me pavarësi të plotë “tani duhet të punojmë në vijimësi në çështjet që lidhen drejtpërdrejtë dhe konkretisht me perspektivën evropiane, zhvillimin ekonomik, krijimin e vendeve të reja të punës, rritjen e mirëqenies sociale të qytetarëve, vazhdimin e qeverisjes së mirë”.

Ai tha se “e ardhmja do jetë me plot sfida”, por shprehu besimin e plotë për sukses edhe më të avancuar.

“Tani duhet të vazhdojmë me çështjet që ndërlidhen drejtpërdrejt dhe konkretisht me perspektiven evropiane, për zhvillimin ekonomik, për krijimin e vendeve te reja të punës, për rritjet e mirëqenës secila të qytetarëve, për vazhdimin e qeverisjes se mirë. Kam besim të plot dhe jam i vetëdijshëm se e ardhmja do të jetë me plot sfida, por me besimin e plot për sukses edhe me të avancuar. Kam besim të plot se bashkërisht do të vazhdojmë t’i thellojmë reformat demokratike, si kusht i domosdoshëm për integrime”.

 
 
 
comments powered by Disqus
 
 
 
 
 

Ju rekomandojmë