Parlamenti Evropian flet për EULEX-in

prev next
 
Bruksel E enjte, 31 Maj 2012 11:39

Deputetët e Këshillit për politikë të jashtme të Parlamentit Evropian kanë filluar debatin për analizimin e punës së deritanishme të EULEX-it, misionit evropian për drejtësi në Kosovë.

Në takimin e sotëm të këtij këshilli do të flas shefi i operacioneve civile të BE-së, Hansjerg Haber, shefi i EULEX-it, Xavier de Marnak, drejtori i shërbimeve të jashtme të BE-së, Fernando Xhentilini dhe përfaqësuesit të OJQ-ve ndërkombëtare.

Në revizionin strategjik të misionit, i cili është rezultat i punës së ekspertëve të BE-së, propozohet zvogëlim i numrit të anëtarëve të misionit dhe kalimi i fokusit të EULEX-it nga policia në punë të gjyqësorit.

EULEX, mision ky në të cilin punojnë mbi 1300 policë ndërkombëtar, prokurorë dhe gjyqtarë, deri më tani ka qenë objekt kritikash të shumta për shkak të efekteve të dobëta në luftën kundër krimit të organizuar dhe zbulimit të kryesve të krimeve të luftës.

 
 
 
comments powered by Disqus