• Lajmi
  • KosovaPress, 20 Prill 2012 11:11

Opozita: RTK-në po e kontrollon pushteti

prev next
 
Të ngjajshëm

Deputetët e opozitës kanë kritikuar Transmetuesin Publik të Kosovës RTK për ndërprerjen e seancës së djeshme kur kanë qenë duke diskutuar deputetët e opozitës. Ata kanë vlerësuar se ky televizion publik po dëshmon, edhe njëherë, se është duke u kontrolluar nga pushteti.

Shefi i Grupit Parlamentar të LDK-së, Ismet Beqiri ka kritikuar RTK-në për mënyrën e ndërprerjes së seancës.

“Edicioni i lajmeve nuk ka filluar deri në orën 11 e 10 derisa sa e ka kryer kryeministri fjalën, pasi e ka kryer fjalimin ka ndërprerë transmetimin, kur ka marr fjalën deputeti Sabri Hamiti”, ka thënë Beqiri.

Nga ana tjetër deputeti i Lëvizjes Vetëvendosje, Liburn Aliu ka kritikuar një gjë tillë, duke vlerësuar se ky transmetues është privatizuar nga partia në pushtet.

“Edhe ne e shprehim brengën tonë për RTK-në. Konsiderojmë se nuk është publik sidomos pas asaj si u transmetua seanca e djeshme. Ky televizion është privatizuar nga partia në pushtet”, ka thënë Aliu.

Edhe shefi i Grupti Parlamentar të AAK-së, Ardian Gjini ka reaguar për të njëjtën gjë, duke thënë se disa njerëz në RTK duhet me ja vënë gishtin kokës. /Kosovapress/