S’ka reciprocitet me Shqipërinë

prev next
 
Prishtinë E hënë, 02 Prill 2012 14:13

Shqipëria ka hequr çmimin referent prej 24 centë për pataten. Çmimi referent për pataten kosovare, e cila eksportohet në Shqipëri, është 14 centë, ashtu siç ka qenë edhe më parë. Kështu që s’do të ketë masa të reciprocitetit ndaj Shqipërisë, ashtu siç ishte paralajmëruar nga Qeveria e Kosovës, në rast se Shqipëria do të vazhdonte me këto çmime referente prej 24 centë për pataten.

Bernard Nikaj, këshilltar i lartë në Ministrinë e Tregtisë dhe Industrisë pohoi për Kosovapress se Shqipëria prej dje ka rikthyer çmimin referent prej 14 centë për pataten, një çmim që ka qenë edhe më parë.

“Prej dje çmimet referente për pataten janë 14 centë, ashtu siç kanë qenë edhe më përpara. Ne kemi insistuar që institucionet e Shqipërisë, ta kthejnë çmimin referent, aty ku ka qenë, që të mos ketë nevojë që të futemi ne tash në ngritje të çmimeve referente dhe marrje të masave. Ata nga data një prill kanë larguar çmimi prej 24 centë, kështu që nuk ka nevojë të ndërmarrim asgjë. Ne jemi duke e përcjellë situatën, jo vetëm sa i përket patates por edhe të produkteve tjera”, pohoi Nikaj.

Ndryshe, prodhuesit e patates kanë protestuar ditë më parë, duke kërkuar heqjen e çmimit referent të patates prej 24 centë nga ana e Shqipërisë. Ndërsa Qeveria e Kosovës, kishe paralajmëruar se në rast se nuk do të hiqen këto çmime referente, atëherë Qeveria do të detyrohej të marrë masa reciprociteti me Shqipërinë. /Kosovapress/

 
 
 
comments powered by Disqus
 
 
 
 
 

Ju rekomandojmë