Nis “FC Prishtina Junior Camp”

prev next
 
Prishtinë E martë, 11 Qershor 2013 13:37

Ka nisur në Prishtinë “FC Prishtina Junior Camp” për grup-moshat e reja që organizohet nga klubi me i madh në vendin tonë FC Prishtina.

Ky kamp dy ditore, e që është i pari i këtij lloji në vendin tonë, mëton të jetë tradicionale.

Fëmijë të shumtë të martën para ditë ishin tubuar në “tempullin” e futbollit të kryeqytetit, ku për dy ditë rresht do t’i shfaqin aftësitë e tyre. Ahmet Kurtolli, zyrtar i lartë i FC Prishtina, është shprehur i kënaqur me organizimin dhe pjesëmarrjen e fëmijëve në këtë kamp të futbollit.

“Sigurisht se jemi të kënaqur që po zhvillojmë një kamp të tillë. Ky kamp do të zgjasë dy ditë dhe tani e tutje do të jetë tradicionale. Ne falënderojmë Kompaninë Ipko për mbështetjen që ka bërë për këtë kamp”, ka thënë Kurtolli.

Ndërkohë, drejtori i Shkollës së Futbollit FC Prishtina, Besnik Kollari, tha se nga ky kamp fëmijët do të kenë rastin që të përparojnë më shumë. “Është një rast i mirë që fëmijët të përparojnë përmes këtij kampi, i cili do të jetë tradicionale”, ka theksuar Kollari.

Pjesë të këtij kampi ishte edhe mesfushori kosovar i Borussia Monchengladbach, Granit Xhaka. Ai thotë se është i nderuar që kam marr ftesë për një ngjarje të tillë.

“Unë falënderoi Prishtinën për ftesën që me ka bërë. Ju dëshirojë fat të gjithë fëmijëve dhe iu them punë, punë dhe vetëm më punë mund të arrihen dëshirat e tyre”, ka pohuar Xhaka, i cili edhe shpalli të hapur “FC Prishtina Junior Camp”. /Kosovapress/

 
 
 
comments powered by Disqus
 
 
 
 
 

Ju rekomandojmë