• Lajmi
  • KosovaPress, 20 Shtator 2012 16:33

Nëntë vjet burg për Panteliqin

prev next
 
Të ngjajshëm

Një panel i përbërë nga dy gjykatës të EULEX-it dhe një gjykatës vendas, i kryesuar nga një gjykatës i EULEX-it, në Gjykatën e Qarkut të Mitrovicës dënoi Jevro Panteliqin me nëntë vjet burgim për veprat penale pastrim parash, krim i organizuar dhe pronësi, kontrollë, posedim ose shfrytëzim të paautorizuar të armëve.

Siç njofton EULEX, Panteliq u shfajësua nga akuza për kontrabandë të mallrave dhe shmangie të tatimit dhe taksave.

“Përveç dënimit me burgim, Panteliq u urdhërua ta paguajë një gjobë prej 2000 euro. Janë konfiskuar një revole dhe municion, dy automjete dhe mbi 14,000 euro para të gatshme të cilat u sekuestruan gjatë arrestimit të tij”, thuhet në një njoftim të EULEX-it.

Panteliq u arrestua me 17 maj 2011 nga policia e EULEX-it dhe që nga ajo kohë ka qenë në paraburgim në qendrën e paraburgimit në Prishtinë.

Rasti është ndjekur penalisht nga një prokuror i EULEX-it nga Prokuroria Speciale e Kosovës.