• Lajmi
  • KosovaPress, 23 Korrik 2013 18:21

Lëvizja Popullore i bashkohet Vetëvendosjes

prev next
 
Të ngjajshëm

Lëvizja Popullore e Kosovës i është bashkuar Vetëvendosjes duke pranuar kështu të veprojnë nën emrin e tyre. LPK nuk flasin për numrin e anëtarëve që kanë e Vetëvendosje thonë se ata janë aty pa pasur mundësi t’u premtohet diçka.

Të dyja palët thanë se nuk kanë qëllim që ta rrisin përqindje por që t’i shtrëngojnë radhët dhe të kenë mundësi për angazhim më të madh. Shpresojnë se do të ketë rigjallërime në të gjithë komunat e vendit.

Kreu i Vetëvendosjes, Albin Kurti ka thënë se gjithmonë kanë qenë të interesuar të bëjnë një bllok opozitar, por që, sipas tij, kjo nuk po ndodh ngase ka opozitarë që janë më pozitë se vet pozita. Kurti ka pohuar se nuk është faji i tyre që kampi opozitar është dobësuar.

Ai ka thënë se sa pa LPK-në nuk mund të paramendohen e as të kuptohet luftëra çlirimtare e Kosovës.

“Sa i përket subjekteve të tjera opozitare, ne gjithmonë kemi qenë të interesuar të bëjmë një bllok opozitar, ta kundërshtojmë edhe procesin e pazareve me Serbinë edhe shitjen e Kosovës që është më lirë se falas. Oferta e jonë ka qenë e vazhdueshme për partitë e tjera opozitare mirëpo ju e dini që pa fajin tonë është dobësuar kampi opozitar, kjo për shkakun se kemi njerëz që në taborin e opozitës janë më pozitë se vet pozita dhe kjo po e vonon ndryshimin e domosdoshëm në Kosovë, për fatin e saj të keq”, ka thënë ai.

Azem Zekaj nga LPK-ja ka thënë se ka marrë pëlqimin e strukturave që të kalojnë në Vetëvendosje, ndërsa kur është pyetur për numrat e anëtarësisë, i është shmangur shifrave duke mos thënë as përafërsisht ndonjë numër.

“Kemi shumë, me numra nuk dua të flas tani por ka shumë. LPK-ja ka qenë gjithmonë e fortë”, ka thënë ai.

U tha gjithashtu se së bashku po duan t’i japin të drejtë më shumë koncepti që ka Vetëvendosje.

Në lëvizjen Vetëvendosje kanë thënë se e kanë të ndaluar të sjellin njerëz dhe t’u japin pozita të caktuara por mbajnë zgjedhje, të cilat përcaktojnë gjithçka. Referuar kësaj i bie që LPK-ja është futur në Vetëvendosje pa asnjë kërkesë. /Kosovapress/