• Lajmi
  • KosovaPress, 14 Prill 2006 11:32

Kryetari i Degës së LDK-së, zëvendësdrejtor në ATK

 
Të ngjajshëm

Sakip Ymeri, zëvendësdrejtor në Administratën Tatimore të Kosovës dhe Armend Zemaj, menaxher janë zgjedhur në poste udhëheqëse në kundërshtim me ligjin dhe rregulloren për stafin civil në këtë institucion. I pari është kryetar i Degës së Lidhjes Demokratike të Kosovës (LDK) në Shtërpcë, ndërsa i dyti është kandidat për kryetar të Forumit Rinor të LDK-së. Ministria e Ekonomisë dhe Financave dhe Administrata Tatimore e Kosovës kanë shkelur me dy këmbë në Rregulloren mbi Shërbimin Civil të Kosovës dhe Etikën e Punës së ATK-së, kur derën e këtij institucioni e kanë hapur për udhëheqës të partive politike, shkruan në numrin e sotëm gazeta “Lajm.”

Sakip Ymeri, zëvendësdrejtor në Administratën Tatimore të Kosovës dhe Armend Zemaj, menaxher janë zgjedhur në poste udhëheqëse në kundërshtim me ligjin dhe rregulloren për stafin civil në këtë institucion. I pari është kryetar i Degës së Lidhjes Demokratike të Kosovës (LDK) në Shtërpcë, ndërsa i dyti është kandidat për kryetar të Forumit Rinor të LDK-së. Ministria e Ekonomisë dhe Financave dhe Administrata Tatimore e Kosovës kanë shkelur me dy këmbë në Rregulloren mbi Shërbimin Civil të Kosovës dhe Etikën e Punës së ATK-së, kur derën e këtij institucioni e kanë hapur për udhëheqës të partive politike, shkruan në numrin e sotëm gazeta “Lajm.”


Ligji është shkelur me emërimin e Sakip Ymerit, zëvendësdrejtor i Përmbushjes që menaxhon me tre departamente dhe Armend Zemaj, menaxher i Planit dhe i Analizës. “Shumica e punëtorëve janë militantë të njërës ose tjetrës parti, Por, ato janë bindjet e tyre. Ndërsa zëvendësdrejtori dhe menaxheri Zemaj shfaqen në publik me kredenciale partiake, të cilat mund të dëmtojnë imazhin e ATK-së si institucion mbipartiak,” deklaroi një burim i “Lajmit” në këtë institucion.


Zëvendësdrejtori i Përmbushjes, Sakip Ymeri, është duke e mbajtur këtë post megjithëse Bordi i Pavarur për Rishqyrtimin e Ankesave para një viti ka kundërshtuar konkursin përmes të cilit ai është emëruar në këtë post. Ai duhet t’i nënshtrohet një intervistomi tjetër më datën 18 prill. Në intervistë do të hyjë edhe zëvendësdrejtori i Shërbimeve të Përbashkëta Hamdi Hoxha.


“Janë hapur konkurset për zëvendësdrejtorin e Shërbimeve të Përbashkëta dhe atë të Përmbushjes. Bordi i Pavarur për Rishqyrtimin e Ankesave ka kërkuar rishpallje për këto dy pozita për shkak se ka vlerësuar se kriteret nuk kanë qenë korrekte. Por, për dy zëvendësdrejtorët do të përdoren kritere të ndryshme,” tha burimi i “Lajmit” në ATK.