• Lajmi
  • KosovaPress, 12 Prill 2012 08:32

Në Shkup promovohen bizneset kosovare

prev next
 
Të ngjajshëm

Republika e Kosova dhe ajo e Maqedonisë duhet të bashkojnë potencialet ekonomike, kundër konkurrencës se vendeve të treta.

Aleancën Kosovare të Biznesit e ka vizituar ambasadori i Maqedonisë në Kosovë, Stojan Karajanov, ku e priti Kryetari i AKB-së, Agim Shahini me bashkëpunëtorët.

“Ambasadori i Republikës së Maqedonisë gjatë takimit falënderoi AKB-në për organizmin e promovimit të produkteve kombëtare në 5 shtetet regjionale si dhe për mbajtjen e Forumit Ndërkombëtar Ekonomik ne Prishtinë më datë 04 prill 2012, ku shumë kompani nga Maqedonia kanë lidhur marrëdhënie komunikimi dhe bashkëpunimi me kompanitë nga Kosova si dhe 7 shtete tjera pjesëmarrëse te këtij forumi dhe vlerësoi se një forum i tillë për herë të parë është mbajt në Kosovë dhe arsye pse kam ardhur te ju vizitoj AKB është qe te organizoni edhe një forum gjithëpërfshirës në Maqedoni në muajt e ardhshëm.

Gjatë vizitës u diskutua për rritjet e shkëmbimeve tregtare në mes Kosovës dhe Maqedonisë, e në theks te veçante u diskutua prezenca e produkteve kosovare të jetë më e madhe në tregjet maqedone.

Agim Shahini falënderoi Ambasadorin e Republikës së Maqedonisë, z. Stojan Karajanov dhe përfaqësuesit e institucioneve te Maqedonisë dhe bizneseve që ishin pjesëmarrës në Forum dhe në projektet tjera të AKB-se, ku z. Shahini kërkoi nga ambasadori që të përdor influencën e tij tek autoritetet maqedone që t’i trajtojë produktet kosovare edhe më shumë dhe në kuadër të saj gjatë muajit prill do të organizohet promovimi i bizneseve kosovare në Shkup, në kuadër të Javëve te Biznesit Kombëtar.

Kryetari Shahini kërkoi që tregu kosovar dhe ai maqedon të bashkohen kundër konkurrencës nga vendet e treta dhe potencialet tona janë të fuqishme, por jo të koordinuara mirë, njëkohësisht u diskutua edhe për projektin “Ditët e Biznesit Maqedon”, të organizohen në Kosovë, por Shahini i tha ambasadorit që Prizreni të jetë një qendër e konuzllatave të nderit, ashtu sikur modaliteti i Manastirit dhe Maqedonia të fillojë e para duke u përpjekur kështu të rriten edhe mundësit e reja edhe në aspektin diplomatik dhe ekonomik.

Për të gjitha pikat u pajtuan dhe vlerësuan se bizneset janë ambasadorët më të mirë të shteteve, ku interesi i tyre nuk njeh kufij dhe nuk i ndal as barrierat tarifore dhe jotarifore”, thuhet në komunikatën e lëshuar nga AKB.