Flamuri i Maqedonisë hiqet nga ‘NEWBORN’

prev next
 
Prishtinë E diel, 03 Mars 2013 11:55

Zhvillimet e fundit në Maqedoni, përkatësisht dhuna ndaj të rinjve shqiptarë nga ekstremistë maqedonas, ka shtyrë disa qytetarë ta fshijnë flamurin e Maqedonisë nga obelisku i pavarësisë “NEWBORN”.

Në disa video qe kanë qarkulluar në internet, janë parë një grup tifozësh që fshijnë flamurin e Maqedonisë në shenjë proteste për dhunën e ushtruar ndaj shqiptarëve në Maqedoni, transmeton Telegraf.

Kjo është konfirmuar edhe nga ideatori i këtij monumenti, Fisnik Ismaili i cili përmes Facebook-ut ka konfirmuar se flamuri i Maqedonisë është hequr nga NEWBORN.

Ky i fundit i ka sugjeruar Hajredin Kuçit të punojë më shumë për bashkëkombësit në Luginë e në Maqedoni.

“I nderuemi Zavendës-Kryeministër, sa lodhesh tuj u brengosë se a po i shlyen dikush flamujt, apo jo, nisja lodhu për bashkëkombasit e tu në Shkup edhe Luginë (se për këta në Mitrovicë për çdo ditë po ta përkujtojmë). Nuk mjafton veç nji deklaratë e lodhët e Ministrisë së Punëve të Jashtme, e cila, si zakonisht, e "dënon" dhunën me dy paragrafa tekst, pa ndërmarrë asgjë konkrete”, ka thënë Ismajli.

 
 
 
comments powered by Disqus
 
 
 
 
 

Ju rekomandojmë